Piştî bêhnvedana li meha heft îro dadgeheke Tirkan, doza li dijî 19 bergumanan berdewam kir.  Ew berguman bi şika kuştina rojnamevanê Ermenî yê ku li Tirkîye dijîya hatibûn girtin

Hrant Dink

Duşema îro çendsed piştevanên rojnamevanê kuştî Hrant Dînk li derveyê dadgeha Stenbolê kom bûn û daxwaza dadê kirin.

Dînk li meha yekê li derveyê nivîsgeha xwe ya li Stenbolê hatibû kuştin ku dibêjin ji alîyê xortekî 17 salî yê ku sûc xistîye stuwê xwe ve hatibûye kuştin.

Malbata Dînk rayedarên Tirk gunehbar dikin ku baş vekolînê li ser wê dozê nakin.  Ew herwisa îddîa dikin û dibêjin dibe ku heya hêza tenahîya Tirkî ji nexşeya kuştinê hebûye.

Dezgehên ragihandina Tirkîye roja şemîyê axaftineke ser telefonê belav kir ku tê de karbidestekî polîsan piştî kuştinê bi yek ji wan bergumanan re dipeyive.  Wezareta Navxweyî ya Tirkîye lêkolînê li ser wê tomara qesedê dike.

Par cezayê şeş mehên zindanê yên bi şert dabûn Dink bi egera piçuk kirina kesayetîya niştimanî ya Tirkîye.

Tirkîye înkar dike ku Osmanîyên Tirk qira Ermenîyan hanîbûn.  Tirkîye dibêje di dema Şerrê Yekem yê Cîhanî û têkçûna Împaratoryîa Osmanî da hejmareke mezin ji Ermenîyên Xirîstîyan û Tirkên Misilman mirine jiber şerrê nijadî.