Zanyarên Amerîkî qumaşek çêkirine ku dikarin pê elektrîkê berhem bînin
15/02/2008
Nano-generator dê bikarît dezgehek weku mp3 ya guhdarî kirina CDyan bêxîte kar.
Zanyarên Amerîkî dibêjin wan hinek qumaş yan perçe çêkirîne ku dikarin pê elektrîkê berhem bînin.
Ew dibêjin wan bi qasî pêdivî elektrîk berhem anînê ku dikarît keresteyên elektronîk yên piçuk weku dezgehê mp3 bêxîte kar.
Vekolerên Enstîtuya Georgia ya Teknolojîyê qumaşê paqij kirina uzê çêdikin ya ku şîyan heye pêlên lerzînê vergerît û bikete elektrîk. Ew qumaşê bi navê nano-generator hatîye nas kirin têlên piçuk digrîte xwe ku dinav qumaşî de hatine bicîh kirin.
Ew parçe yan qumaş ku dikarît jibo çêkirina kirasan û perdeyan bête bikar anîn dişêt bi kêmtirîn livîn yan bizivînê hêzek piçuk ya elektrîkê berhem bînît ku ew jî dikarît bête bikar anîn.
Zanyarê warê çêkirina qumaşan Zhon Lin Wang got ew karê taybet teknolojîyek nû ye ku dikarît bizav û livînên liber ba û leşê mirovî çêdibin kontrol biket û bikete uze yan jî hêzek ber frekansek nizm.
Wang dibêjît nano-generator dikarît 80 milliwatt uzê ji her metrek ducî ji qumaşê berhem bînît ku dê bikarît dezgehek weku mp3 ya guhdarî kirina CDyan bêxîte kar.
Vî babetî e-mail bike
Formata Çapkirinê
