Di fermaneka serokatîyê de roja 22 meha yêk kanona dûyê, serok Barack Obama kar û çalakiyên rasipêrîya leşkerî li navenda girtîgeha Welatên Yekgirtîyên Amîrîka li Guwantanamo Bay , li Kûba ragirtin.

Serok Obama ji wezîrê berevanîya Amêrîka Robert Gates xwest pêngavên dem li dest pavêje bo rawestandina serederîya li girtîyan û hinartina wan bo rasipêrîyên leşkerî li gora biryara rasipêrîyên leşkerî ya sala 2006 ê û her wesa rawestandina tevaya serederyên garîger û ragirtina pêdaçonê bi ser rewşa yêk bi yek yêka kesanên niha girtî li Guwantanamo.

Sebaret bi çalakîyên li navenda girtîgeha Guwantanamo Bey, fermana hikûmetê ya Serok Obama dayî dibêjit divêt di demê salekê de Guwantanamo bêt girtin. Li gora wê farmana serokatîyê tîmekê karî dê bête pêkînan, dê biryarê bidet ka kî ji wan zîndanîyên Guwantanamo Bay bête vegûhastin, azadkirin yan dadgehkirin û kî jiwan rû bi rû serederîya cûda bit. Fermaneka dî ya cûda ya hikûmetê tîmekê karî pêkdîne bo dariştina rêbazekê ji bo serederiyê digel zîndanîyan li paşerojê.

Nêzîkî 800 tîroristên bergûman li Girtîgeha navendî ya Guwantanamo Bay ya hêzên deryayî Welatên Yekgirtîyên Amîrîka vehewyane. Ew li Afxanistanê, Îraqê û cihên dî hatine girtin piştî hêrîşên tîroristî yên 11 September a sala 2001 li Welatên Yekgirtîyên Amîrîka. Îro nêzîkî 250 bergûmana li Guwantanamo girtîne, ji wana Xalîd Şêx Mûhammed, tête gotin ew nexşe kêşê hêrîşên 11 Septemerê ye.

Dîsan, Serok Obama fermaneka hikûmetê ragîhand, ew ferman erkê yekeyeka meydanî ya leşkerê Amerîkî dîyar diketin. Ew yekeya leşkerî di hate bi kar înan bo vekolînê digel girtîyan, ew dê çavdêrîya teknîkên vekolîna biket yên tevaya ajansên zanyarîyan û cê bi cê kirina qanonê.

Serok Obama got : peyamê em ji cîhanê re di hinêrin eve ; Welatên Yekgirtîyên Amerîka rijde li ser berdewamîya tevgera li dijî tîrorê û tûnd û tîjîyan û dadgeh kirina tîroristan, wî got emê wê bi awayekê karîger encam bidin bi wî awayê digel biha û bîr û bawerên me rêkbikevit.