Karbidestekî bilindê Qesra Sipî dibêje serokê Welatên Yekgirtîyên Amerîka Barack Obama daxwaz kirîye ji desteya xwe ya karûbarên tenahîya netewî ku dubare bala xwe bidine stratejîya şerrê li Afganîstanê.

Rêzdar Obama roja çarşemê daxwaza pêdaçûna stratejîya şerrê Afganistanê  kir li dawîn kombûna li ser rêbaza Afganistanê.  Karbidest dibêjin serok dixwaze ku şêwirmendên wî biryarê bidin ka gelo kîngê û çewa hêzên Amerîkî dê karibin berpirsyarîya tenahîyê bidine destê hikumeta Kabulê.  Karbidestên rêveberîyê dibêjin ku rêzdar Obama dixwaze eşkere nîşanî serokê Afganistanê Hamid Karzaî bide ku karûbar û pêgirtina Amerîka li Afganistanê "ne bê dawî ye."

Balyozê Amerîka bo Kabulê Karl Eikenberry

Daxwaza serok Obama li wê demê tê kirin ku balyozê Amerîka bo Afganistanê Karl Eikenberry jî bi şêweyeke micid gumana xwe dîyar kiriye bo şandina hezên zêdetir bo Afganistanê.

Karbidest dibêjin Eikenberry heftîya buhurî du raportên nepenî şandine Washington ku tê de şik û gumana xwe ragihandîye derbarê rêberayetîya Karzaî.

Serokê Afganî tê gunehbar kirin bi destûr dana gendelî û nerêkîyê li demê serokatîya xwe.