Rêberên opozisyona Îranê wê tepeserkirina ji alî hêzên hikumetê ve li dijberî xwenîşanderên dijî hikumetê dinav 30.salvegera girtina balyozxana Amerîka li Tehranê mehkum dikin.

 Kandîdayê sernekeftîyê serokatîyê Mîr Huseyn Musevî û herwisa Mehdî Kerrubî jî vê dawîyê bihevre kom bûn û behsê bûyerêt çarê meha 11 kirin.  Malpera ser bi reformistan Mûçkemp roja şembîyê ji Musevî veguhastin ku dibêjît alîgirên wî dixwazin zindanîyêt siyasî bêne azad kirin, rewş jibo hilbijartinek paqij bête piştrastkirin û azadîya raderbirîn û ragihandinê bête berdestkirin.

 Dinav bizavekê de ku şîrovekar dibêjin bi merema bêdeng kirina opozisyonê ye berpirsê polîsê niştimanîyê Îranê roja şembîyê got ew desteyek taybet amade diket jibo şerr kirina li hemberî tiştê wî gotî gunehkarîyên Înternetê.

 Ji alîyek din ve dezgehên ragihandinên Îranê dibêjin parlamana wî welatî sê endamêt mayîyêt kabîneya serokkomarê Îranê Mahmud Ahmedînejad pesend kirîne.

 Qanundarejên Îranê îro yekşembîyê endamê nihayê parlamanê Hamîd Riza Hacî Babayî weku Wezîrê nûyê Xwendinê Pesend kir, herwisa Wezîrê navxweyî yê berê Sadiq Mahsûlî weku Wezîrê nû yê Alîkarîyên Civakî û cîgirê wezîrê hêzûtêhna berê Mecîd Namcû wek Wezîrê nû yê Hêzûtêhnê hatine pesend kirin.

 Hejîyî gotinê ye ku parlamanê berî niha 18 wezîrêt nav kabîna Ahmedînejad li meha neh derbaz kiribûn.