سه‌عه‌د ئه‌لحه‌ریری، سێشه‌ممه‌ 13 ی پـێـنجی 2008

ڕابه‌ری زۆرینه‌ی نێو په‌رله‌مانی لوبنانی سه‌عه‌د ئه‌لحه‌ریری گروپی حزبوڵڵای لوبنانی به‌ هه‌وڵدانی بۆ سه‌پاندنی توانای خۆی به‌ هاوكاری ئێران و سوریا تاوانبار كردووه‌. هه‌روه‌ها ناوبراو به‌ڵێنیشی دا هه‌رگیز چۆك بۆ گروپی میلیشـیای شیعه‌كان دانه‌دات.

له‌ میانه‌ی كۆنفرانسـێـكی ڕۆژنامه‌وانی ڕۆژی سێشه‌ممه‌ له‌ به‌یرووت سه‌عه‌د ئه‌لحه‌ریری گوتی حزبوڵڵا به‌ فه‌رمانی سوریا و ئێران كار ده‌كات، وه‌ ده‌ڵێت حزبوڵڵا لوبنانی ده‌وێت بڕیاردانی حكومه‌تی هاوبه‌ندی لوبنانی كه‌ له‌لایه‌ن ڕۆژئاواوه‌ پـشـتگیری ده‌كرێت بدرێته‌ ده‌ستی سوریا و ئێران و ئه‌وان بڕیار بۆ لوبنان بده‌ن.