ئاژانسی واڵای ئاسـمانی ئه‌مریكا ده‌ڵێت خۆیان ئاماده‌ ده‌كه‌ن بۆ گه‌ڕانه‌وه‌ی كه‌شتی ئاسـمانی ئه‌تڵه‌نتس بۆ زه‌وی له‌ ڕۆژی چوارشه‌ممه‌دا، به‌ر له‌وه‌ی له‌شـكری ئه‌مریكا

ده‌سته‌ی ویسـتگه‌ی ئاسـمانی نێونه‌ته‌وه‌یی ISS له‌گه‌ڵ ده‌سته‌ی ئه‌تڵه‌نتس گردبوونه‌ته‌وه‌ تا وێنه‌یه‌ك له‌ به‌شی زڤێزدای ویسـتگه‌ی ئاسـمانیدا بگرن، یه‌كشه‌ممه‌ 17 ی دووی 2008

موشـه‌كێـك هه‌ڵـبدات بۆ له‌ناوبردنی سه‌ته‌لایتێـكی سـیخوڕێتی كه‌ خه‌ریكه‌ به‌رده‌بێته‌وه‌.

كاربه‌ده‌سـتانی وه‌زاره‌تی به‌رگری ئه‌مریكا ده‌ڵێن تا كه‌شـتی ئه‌ته‌ڵه‌نتس نه‌گه‌ڕێته‌وه‌ ئه‌وان هه‌وڵی له‌ناوبردنی سه‌ته‌لایته‌كه‌ ناده‌ن.

پـنتاگۆن ده‌ڵێت سه‌ته‌لایته‌كه‌ سـووته‌مه‌نی ژه‌هراوی تیادایه‌ و ئه‌گه‌ربێت و بكه‌وێته‌ سه‌ر زه‌وی ئه‌وا هه‌ڕه‌شه‌ له‌ ته‌ندروستی گشتی ده‌كات.

كه‌شـتیوانانی واڵای ئاسـمانی ئه‌تڵه‌نتس ڕۆژی سێشه‌ممه‌ چه‌ند شوێن و ئامێرێـكی كه‌شـتیـیه‌كه‌یان چـێـك ده‌كه‌ن تا بۆ ڕۆژی چوارشه‌ممه‌ بگه‌ڕێنه‌وه‌ سه‌ر زه‌وی.

بڕیاره‌ ئه‌گه‌ر كه‌ش‌وهه‌وا ڕێبدات كه‌شتیـیه‌كه‌ له‌ سه‌نته‌ری واڵای ئاسـمانی كه‌نه‌دی له‌ فلۆریدا دابه‌زێت و ئه‌گه‌ر نا ئه‌وا له‌ بنكه‌ی ئاسـمانی ئێدواردز له‌ كالیفۆرنیا دێته‌ خواره‌وه‌.

ده‌سته‌ی كه‌شـتی ئه‌تڵه‌نتس له‌گه‌ڵ ده‌سته‌ی ویسـتگه‌ی واڵایی نێونه‌ته‌وه‌یی كاریان كردووه‌ بۆ دامه‌زراندنی تاقیگه‌ی كۆڵومبه‌سی ئاژانسی واڵایی ئه‌وروپایی كه‌ 2 ملیار دۆلاری تێچووه‌.