كه‌شتی ئاسـمانی ئه‌تڵه‌نتس له‌ ده‌می نیشتنه‌وه‌ی له‌ سه‌نته‌ری واڵای ئاسـمانی كه‌نه‌دی له‌ فلۆریدا، چوارشه‌ممه‌ 20 ی دووی 2008

كه‌شـتی ئاسـمانی ئه‌مریكایی ئه‌تڵه‌نتس به‌ سه‌لامه‌تی گه‌ڕایه‌وه‌ بۆ سه‌ر زه‌وی پاش جێبه‌جێـكردنی ئه‌ركێـكی دوو هه‌فته‌یی بۆ فراوانكردنی ویستگه‌ی واڵایی نێونه‌ته‌وه‌یی.

ڕۆژی چوارشه‌ممه‌ كه‌شتیـیه‌كه‌ كاتژمێر 9:07 ی سه‌رله‌به‌یانی به‌ كاتی ڕۆژهه‌ڵاتی ئه‌مریكا له‌ سه‌قایه‌كی هه‌وراویدا له‌ سه‌نته‌ری واڵای ئاسـمانی كه‌نه‌دی له‌ كه‌یپ كه‌ناڤڕاڵ له‌ سـتانی فلۆریدا نیشته‌وه‌.

كه‌شـتیـیه‌كه‌ له‌ دیوی ئۆقیانوسی پاسفیـك به‌ره‌و ناوه‌ندی ئه‌مریكا و پاشـان كه‌نداوی مه‌كسـیك هاته‌ خوارێ.

ده‌سته‌ی كه‌شـتیوانانی ئه‌تڵه‌نتس له‌ گفتوگۆیه‌كی ڕاسته‌وخۆدا، سێشه‌ممه‌ 19 ی دووی 2008

كاربه‌ده‌سـتانی ئاژانسی واڵای ئاسـمانی ئه‌مریكا ناسـا ده‌یانویست كه‌شـتی ئاسـمانی ئه‌تڵه‌نتس به‌ زووترین كات بگه‌ڕێته‌وه‌ تا ڕێ له‌ به‌رده‌م له‌شـكری ئه‌مریكایی واڵابێت بۆ هاویشـتنی موشه‌كێـك بۆ له‌ناوبردنی سه‌ته‌لایتێـكی سـیخوڕێتی.

پـنتاگۆن ده‌ڵێت سه‌ته‌لایته‌كه‌ سـووته‌مه‌نی ژه‌هراوی تیادایه‌ و ئه‌گه‌ربێت و بكه‌وێته‌ سه‌ر زه‌وی ئه‌وا مه‌ترسی بۆ سه‌ر ته‌ندروستی گشتی ده‌بێت.

كاربه‌ده‌سـتانی وه‌زاره‌تی به‌رگری ده‌ڵێن ئه‌وان ڕه‌نگه‌ شه‌وی چوارشه‌ممه‌ هه‌وڵی له‌ناوبردنی سه‌ته‌لایته‌كه‌ بده‌ن.