پـێـنج کاربهدهسـتی ئێرانی که بۆ ماوهی زیاتر له دوو سـاڵ له لایهن لهشـکری وڵاته یهکگرتووهکانهوه له  |
| وێنهیهک له کهناڵی پـرێس تیڤی ئێرانهوه وهرگیراوه نیشـانی دهدات پـێـنج دیپـلۆماته ئێرانیـیهکه دهگهنه تاران، یهکشهممه 12 ی حهوتی 2009 |
عێراق دهسـتگیرکرابوون، چهند ڕۆژێـک پاش ئازادکردنیان گهڕاونهتهوه ئێران.
لهشـکری وڵاته یهکگرتووهکان له ڕۆژی پـێـنجشهممه ئهو پـێـنج کهسهی ئازادکرد پاش دهسـتگیرکردنیان له سـاڵی 2007 به گومانی یارمهتیدانی میلیشـیا شـیعهکان. ئێران دهڵێت ئهو پـێـنج کهسهی ئازادکراون دیپـلۆمات بوونه.
ئهو پـێـنج کهسه له ڕۆژی پـێـنجشهممه درابوونه دهسـتی کاربهدهسـتانی عێراقی و دهمودهست درابوونه باڵوێزخانهی ئێران له بهغدا.
ئهو پـێـنج کهسه له ڕۆژی یهکشهممه گهیشـتوونهته فڕۆکهخانهی مێهرابادی تاران و له لایهن مهردومێـکی زۆر له نێوانیان کاربهدهسـتانی باڵای حکومهت پـێشـوازیـیان لێـکراوه.
کاربهدهسـتانی وڵاته یهکگرتووهکان دهڵێن ئهو پـێـنج کهسه بهپـێی ڕێـکهوتنـنامهی ئاسایشی نێوان وڵاته یهکگرتووهکان و عێراق ئازادکراون که گواسـتنهوهی ئهرکهکانی ئاسایش تیایدا داڕێژراوه و نهک وهکو نیاز پاکیـیهکی ڕامیاری بهرامبهر به ئێران.
E-mail
چاپ بكه
