به‌رنامه‌ هه‌فتانه‌ییه‌كانی به‌شی كوردی ده‌نگی ئه‌مریكا
شه‌ممه‌:

فه‌رهه‌نگ و تۆره‌ی كوردی
 فه‌رهه‌نگ و تۆره‌ به‌رنامه‌یه‌كه‌ هه‌موو ڕۆژانی شه‌ممه‌یه‌ك له كاتژمێر12:00 ی نیوه‌ڕۆ به كاتی واشنتۆن له لایه‌ن خه‌ڵه‌فی زێباری و به‌ڵێن ساڵح ه‌وه‌ پێشكه‌ش ده‌كرێت.  له‌م به‌رنامه‌یه‌دا هه‌ر جاره له‌گه‌ڵ شاعیرێك، هونه‌رمه‌ندێك، ڕۆژنامه‌وانێك، ڕۆشنبیرێك و یان ئه‌وانه‌ی له بواری فه‌رهه‌‌‌نگی دیكه‌ كار ده‌كه‌ن، گفتوگۆ ده‌كرێت. 

خه‌ڵه‌ف زێباری- 4855-203-202-1/ kzebari@voanews.com
به‌ڵێن ساڵح - 4857-203-202-1 / bsaleh@voanews.com

مێزگرد
له‌م به‌رنامه‌یه‌دا كه له كاتژمێر 2:00 ی پاش نیوه‌ڕۆی هه‌موو ڕۆژانی شه‌ممه‌یه‌ك پێشكه‌ش ده‌كرێت، مشتومڕی گه‌رم له‌سه‌ر بابه‌ته‌ جۆراوجۆره‌كانی ڕۆژ ده‌كرێت.  بابه‌ته‌كانیش له‌ چه‌شنی هه‌مه‌جۆره‌ن،  هه‌ر له‌ سیاسی و كه‌لتوری و كۆمه‌ڵایه‌تی و هونه‌ری و ته‌وه‌ره‌كانی دیكه‌ی ژیان‌.  پسپۆره‌كانی ئه‌م بواره‌ جیاوازانه‌ش له‌ به‌رنامه‌كه‌دا ده‌بنه‌ میوان.  هه‌ر هه‌فته‌‌ش، هاوكارێكی به‌شی كوردی ده‌نگی ئه‌مریكا پێشكه‌شی ده‌كات.

یه‌ك‌شه‌ممه‌:

ژن و ماڵبات
 هه‌موو ڕۆژانی یه‌كشه‌ممه‌ له كاتژمێر 12:00 ی نیوه‌ڕۆ پێشكه‌ش ده‌كرێت.  فه‌خريه دۆسکی و موعته‌به‌ر شيرَوانی باسی گيروگرفتی ژن و منداڵ و خێزان له‌ سه‌رانسه‌ری جيهان ده‌که‌ن.

فه‌خریه‌ دۆسكی - 4854-203-202-1 / fjawhary@voanews.com
موعته‌به‌ر شیروانی - 4853-203-202-1 / mshirwan@voanews.com

 موزیكی ئه‌مریكی
به‌رنامه‌ی میوزیكی ئه‌مریكی ئه‌م به‌رنامه‌یه هه‌موو رۆژی یه‌كشه‌ممه له به‌رنامه‌ی كاتژمێر 2:00 ی پاش نیوه‌رۆ به كاتی واشنتۆن پێشكه‌ش ده‌كرێت. له‌م به‌رنامه‌یه‌دا،  دوایترین و نوێترین گۆرانی ئه‌مریكی و تۆپ تێن پێشكه‌ش ده‌كرێت و باس له ژیان و به‌رهه‌مه‌كانی سترانبێژانی ئه‌مریكی ده‌كرێت.  گوێگران ده‌توانن داوای گۆرانی ئه‌مریكی بكه‌ن و پێشكه‌شی بكه‌ن. ئه‌م به‌رنامه‌یه له لایه‌ن هاوكاران چێرین به‌رواری و ئه‌حمه‌د بارزانی پێشكه‌ش ده‌کرێت. 

چێرین به‌رواری - 4862-203-202-1 / jberwary@voanews.com
ئه‌حمه‌د بارزانی - 4868-203-202-1 / atahir@voanews.com

دووشه‌ممه‌:

نوژداری و ته ندروستی
ڕۆَژانی دووشه‌ممه له‌ كاتژمێر 12:00 ی نیوه‌ڕۆ، نازێ گه‌مۆ دوایترين ده‌نگوباسی پزيشکی و پێشکه‌وتنی ته‌کنه‌لۆژيای پزيشکی پيشکه‌ش ده‌کات.  هه روەها گفتوگوۆی ته‌له‌فۆنی له‌گه‌ڵ پزيشک و شارەزايانی ته‌ندروستی کورد دا ده‌کات. 

نازێ گه‌ممۆ - 4861-203-202-1 / ngemo@voanews.com 

سێ‌شه‌ممه‌:

ژیان له ئه‌مه‌ریكا
به‌رنامه‌یه‌كه‌ هه‌موو ڕۆژانی سێ‌شه‌ممه‌یه‌ك له كاتژمێر 9:00 ی سه‌ر له‌ به‌یانی له لایه‌ن فه‌خریه‌ دۆسكی و ده‌خیلی شه‌ممۆ پێشكه‌ش ده‌كرێت. له‌م به‌رنامه‌یه‌‌‌دا، باس له ژیانی ڕۆژانه‌ و كه‌لتوری دانیشتوانی ئه‌مه‌ریكا ده‌كرێت، بێ له‌ باسی بۆنه‌ و ئاهه‌نگه‌ سیاسی و ئاینی و كه‌لتورییه‌كانی ناو كۆمه‌ڵگای ئه‌مریكی .

فه‌خریه‌ دۆسكی - 4854-202-202-1 / fjawhary@voanews.com
ده‌خیل شه‌ممۆ - 4858-203-202-1 / delias@voanews.com 

كورد له تاراوگه ‌
به‌رنامه‌یه‌كه‌ هه‌موو ڕۆژانی سێشه‌ممه‌یه‌ك له كاتژمێر 12:00 ی نیوه‌ڕۆ له‌ لایه‌ن حه‌یده‌ر كه‌ریم پێشكه‌‌ش ده‌كرێت.  له‌م به‌رنامه‌یه‌دا، كورده‌كانی تاراوگه‌ باس له ‌ژیانی خۆیان له تاراوگه‌ ده‌كه‌ن.  هه‌ر هه‌فته‌ش، یه‌كێك له كورده‌كانی دوور له‌ وڵات ده‌بێته‌ میوانی به‌رنامه‌ و باسی ده‌ستكه‌وته‌كانی ژیان و گیروگرفتیان له په‌یوه‌ندی ژیان له‌ ده‌ره‌وه‌ی وڵات و چۆنێتی خۆگونجاندنیان ده‌كه‌ن. 

حه‌یده‌ر كه‌ریم - 4859-203-202-1 / hary@voanews.com

چوارشه‌ممه‌:‌

ناوداره‌كانی ئه‌مریكا
به‌رنامه‌یه‌كه‌ هه‌موو ڕۆژانی چوارشه‌ممه‌یه‌ك له كاتژمێر 9:00 ی سه‌ر له‌ به‌یانی له لایه‌ن ده‌خیلی شه‌ممۆ پێشكه‌ش ده‌كرێت.  ئه‌م به‌رنامه‌یه‌ له‌سه‌ر ئه‌و كه‌سایه‌تیانه‌یه‌ كه‌ به شێوه‌یه‌ك له شێوه‌كان كارتێكردنیان له‌سه‌ر كۆمه‌ڵگای ئه‌مریكی هه‌بووه‌ و شوێن په‌نجه‌یان به‌ مێژووی ئه‌مریكاوه‌ دیاره‌.‌

ده‌خیل شه‌ممۆ - 4858-203-202-1 / delias@voanews.com  

به‌هه‌ڤرا
به‌رنامه‌یه‌كی هه‌فتانه‌ی تایبه‌ته‌، سه‌باره‌ت به‌ كاروبار و چالاكی و گیروگرفته‌كانی لاوان و نه‌وجه‌وانانه‌.  ئه‌م به‌رنامه‌یه‌ هه‌موو ڕۆژانی چوارشه‌ممه‌یه‌ك له كاتژمێر 12:00 ی نیوه‌ڕۆ به‌ كاتی وا‌شنتۆن له لایه‌ن چێرین به‌رواری و بێریڤان یوسفی پێشكه‌ش ده‌كرێت.‌

پێنج‌شه‌ممه‌:‌

نامه‌ی گوێگران و موزیكی كوردی
 هه‌موو رۆژانی پێنج شه‌ممه له به‌رنامه‌ی كاتژمێر 12:00 ی نیوه‌ڕۆ پێشكه‌ش ده‌كرێت. له‌م به‌رنامه‌یه‌دا، گوێ بده‌نه ده‌نگی خۆتان و نامه‌ی خۆتان که حه‌يده‌ر که‌ريم و فه‌خريه دۆسکی بڵاویان ده‌كه‌نه‌وه. له‌م به‌رنامه‌يه‌دا هه‌ر چی پرسيارێکت هه‌يه، ئه‌وا گوَێگره‌کانی ديکه‌ی لێ بێ به‌ش مه‌که.  گاڵته و گه‌پ، مه‌ته‌ڵ و ڕووداوی سه‌ير سه‌يری ده‌گمه‌ن له ووڵاته‌که‌تدا به ڕێگای نامه‌ی گوَێگران ڕابگه‌يه‌نه.  له پێشبرکێی مه‌ته‌ڵ دا، خه‌ڵاتيش بۆ براوه‌ی يه‌که‌م و دووه‌م و سێيه‌م هه‌يه.  به فاکس، به ئيمێڵ و به‌ نامه په‌يوه‌ندی به به‌رنامه‌که بكه، يان ده‌نگی خۆَت له‌سه‌ر ته‌له‌فوَن تۆمار بکه.  هه‌روه‌ها له‌م به‌رنامه‌یه‌‌دا گوێ له گۆرانی ڕه‌سه‌ن و نوێ ی كوردی بگره‌ و ئه‌توانیت داواكاری خۆت ئاڕاسته‌ی ئه‌ـ به‌رنامه‌یه بكه‌یت.

حه‌یده‌ر كه‌ریم - 4859-203-202-1 / hary@voanews.com
فه‌خریه‌ دۆسكی - 4854-202-202-1 / fjawhary@voanews.com

 ئه‌ستێره‌ گه‌شه‌كان
به‌رنامه‌یه‌كی تایبه‌ته‌ به خه‌ونه‌ جوانه‌كانی منداڵانی به‌هره‌مه‌ند و هه‌وڵه‌كانی باوان بۆ په‌روه‌رده‌كردنی منداڵانی خوێن شیرین و چاوگه‌ش. ئه‌گه‌ر هه‌ر منداڵێك له‌م به‌رنامه‌ ڕازاوه‌یه‌دا به‌شداری بكات، ئه‌وا له لایه‌ن به‌شی كوردی ده‌نگی ئه‌مه‌ریكاوه‌ خه‌ڵات وه‌رده‌گرێت. ئه‌م به‌رنامه‌یه‌ هه‌موو ڕۆژانی سێشه‌ممه‌یه‌ك له كاتژمێر 12:00 ی نیوه‌شه‌و به كاتی واشنتۆن له لایه‌ن هێرۆ زه‌نگه‌نه‌وه‌ پێشكه‌ش ده‌كرێت.

هێرۆ زه‌نگه‌نه‌ - 4864-203-202-1  / nrahim@voanews.com

هه‌ینی:

ئه‌ستێره‌ گه‌شه‌كان
له‌ كاتژمێر 9:00 ی سه‌ر له‌ به‌یانی به كاتی واشنتۆن، به‌رنامه‌ی ڕۆژی پێنج شه‌ممه‌ دووباره‌ ده‌كرێته‌وه‌. 

 هه‌له‌و واشنتۆن
هه‌موو ڕۆژانێكی هه‌ینی كاتژمێر 12:00ی نیوه‌ڕۆ به كاتی واشنتۆن ڕاسته‌وخۆ له به‌شی كوردی ده‌نگی ئه‌مه‌ریكاوه‌ په‌خش ده‌كرێت. له‌م به‌رنامه‌یه‌دا، هه‌ر جاره‌ و گفتوگۆ و باس له‌سه‌ر ڕووداوێكی ناوچه‌كه‌ به‌ گشتی و عێراق به‌ تایبه‌تی ده‌كرێت و هه‌روه‌ها گفتوگۆی تایبه‌تیش سه‌باره‌ت به‌ بواره‌كانی هونه‌ری و كۆمه‌ڵایه‌تی و ڕووناكبیری و هتد. له‌ هه‌ر ئه‌ڵقه‌یه‌كیشدا، گوێگر ده‌توانێت به‌ شێوه‌یه‌كی ڕاسته‌وخۆ پرسیار و بۆچوونه‌كانی ئاڕاسته‌ی میوانی به‌رنامه‌ بكات.

پرۆسه‌ی سیاسی له ئه‌مریكا
ئه‌گه‌ر ده‌ته‌وێت بزانیت سیسته‌می ئه‌مه‌ریكا پرۆسه‌ی سیاسی له ئه‌مه‌ریكاچۆن كار ده‌كات,  ئه‌وا تكایه‌ هه‌موو ڕۆژانی هه‌ینی گوێ له به‌رنامه‌ی پرۆسه‌ی سیاسی له ئه‌مه‌ریكا بگره‌. ئه‌م به‌رنامه‌یه‌ له كاتژمێر 2:00 ی پاش نیوه‌ڕۆ به كاتی واشنتۆن بڵاو ده‌بێته‌وه‌. هه‌موو هه‌فته‌یه‌ك موعته‌به‌ر شیروانی پرسیار له شاره‌زایان ده‌كات تاوه‌كو ده‌ستوری وڵات، باسه‌كانی به‌ڕێوه‌بردن، یاسادانان و دادوه‌ری شی بكه‌نه‌وه‌. هه‌روه‌هاش باس له فیدرالیزم و پرۆسه‌ی دیموكراسی له ئه‌مه‌ریكا ده‌كرێت. بۆ نمونه‌: چۆن هه‌ڵبژاردنه‌كان به‌ڕێوه‌ ده‌چن و رۆڵی پارتیه‌ سیاسیه‌كان چیه‌؟

موعته‌به‌ر شیروانی - 4853-203-202-1 / mshirwan@voanews.com

بابه‌ته ‌ڕۆژانه‌ییه‌كان:

- ڕۆژانه سه‌ره‌تای هه‌ر چوار به‌رنامه‌كانی به‌شی كوردی ده‌نگی ئه‌مریكا،  به بڵاوكردنه‌وه‌ی نوێترین هه‌واڵه‌كانی ڕۆژ و هه‌واڵی وه‌رزشی ده‌ست پێده‌كات.  پاشان گه‌شتی ڕاپۆرتی په‌یامنێران و موزیكی كوردی و ئه‌مریكی.

ڕۆژانه‌‌ش له به‌رنامه‌كانی كاتژمێر 9:00 ی سه‌ر له‌ به‌یانی و 12:00 ی نیوه‌شه‌ودا، گه‌لێك بابه‌تی هه‌مه‌ڕه‌نگ پێشكه‌ش ده‌كرێت.  له‌وانه‌، هونه‌ری،  زانیاری و ته‌ندروستی، ئابوری و دیدوبۆچون له‌واشنتۆنه‌وه‌. 

له‌ به‌رنامه‌ی كاتژمێر 9:00 ی سه‌ر له‌ به‌یانیشدا،  ڕۆژانه‌ گه‌شتێك به‌ نێو ڕۆژنامه‌ ئه‌مریكیه‌كاندا ده‌كرێت.  هه‌روه‌ها له كاتژمێر 12:00 ی نیوه‌شه‌و، شه‌وانه‌ گه‌شتێك به‌ نێو ڕۆژنامه‌ عه‌ره‌بی و جیهانیه‌كاندا ده‌كرێت.

له كاتژمێر 12:00 ی نیوه‌ڕۆ و 2:00 ی پاش نیوه‌ڕۆ و پێش كورته‌ی هه‌واڵه‌كانی كۆتایی به‌رنامه‌،  گوتارێك پێشكه‌ش ده‌كرێت كه بریتیه‌ له‌ بیروباوه‌ڕی حكومه‌تی وڵاته‌ یه‌كگرتووه‌كانی ئه‌مریكا.

له‌ نیوه‌ی دوه‌می كاتژمێر 2:00 ی پاش نیوه‌ڕۆی هه‌موو ڕۆژێكیش، ماوه‌یه‌ك بۆ خوێندنه‌وه‌ی هه‌ڵبه‌ستی كوردی ته‌رخان كراوه‌.

هه‌موو به‌رنامه‌یه‌كیش به‌ كورته‌یه‌كی دوایترین هه‌واڵه‌كانی ڕۆژ كۆتایی دێت.‌