На конференцијата на која најавува дека ќе присуствуват угледни членови од американскиот конгрес, од актуелната администрација и од невладините организации, Боцевски ќе говори за клучното стратегиско прашање на Македонија – евроатлантската ингеграција.

„Таму ќе ги претставам македонските приоритети поврзани со македонската интеграција, односно добивањето позитивен извештај и почнувањето на преговори со ЕУ и завршувањето на процесот на визна либерализација“, вели македонскиот вицепремиер.

Тој се залага за постојан пресинг на Македонија во светските метрополи за да се заокружи нејзината евроатланската интеграција:  „Тоа е генерациски проект на актуелната генерација македонски политичари, односно проектот Македонија силно да се всидри во рамки на институциите на западниот свет – ЕУ и НАТО.  За остварување на таа цел потребен е секојдневен пресинг и ангажман од страна на македонските претставници и политичари тука во Вашингтон, Брисел и другите главни градови за да ја изложиме европската агенда на Македонија“.

Во контекст на гостувањето на Глобалната конференција на Обединетата македонска дијаспора, вицепремиерот коментира дека иселеништвото е врзувачкото ткиво преку кое Македонија се презентира во САД, се зајакнува нејзината афирмација за влез во ЕУ и НАТО, а со тоа истовремено се афирмираат и македонскиот идентитет, култура и јазик.