• ເຮືອບັ໊ກ ຂ້າມໄປດອນໂຂງ (Don Khong Ferry)
  • ເຮືອບັ໊ກ ຂ້າມມາຈາກດອນໂຂງ. ໂຮງແຮມ Don Khong Riverside ຢູ່ເບື້ອງຫລັງ ໃກ້ໆກັບທ່າເຮືອບັ໊ກ (Don Khong Ferry)
  • ນໍ້າຂອງ ໄຫລຜ່ານ ດອນນ້ອຍດອນໃຫຍ່ຕ່າງໆ ໃກ້ໆກັບດອນໂຂງ.
  • ຊາວປະມົງຫາປາ ຍາມເຊົ້າ ໃນແມ່ນໍ້າຂອງ ລະຫວ່າງດອນໂຂງ ແລະດອນອື່ນໆ.
  • ຕຶກຫ້ອງອາຫານຂອງຣີສອດຮ້າງ ຂອງທ່ານຄໍາໄຕ ສີພັນດອນ ຢູ່ດອນໂຂງ. ເມືອງໂຂງເປັນເມືອງວັດທະນະ ທໍາ ຈຶ່ງບໍ່ມີບ່ອນບັນເທີງ. ຮ້ານອາຫານຍາມກາງຄືນກໍບໍ່ມີ. ຕ້ອງໄປກິນຢູ່ຮ້ານເຮືອນແພ ທີ່ເມືອງແສນ ຢູ່ອີກຟາກນຶ່ງຂອງດອນໂຂງ.
  • ມຸມນຶ່ງຢູ່ແຄມນໍ້າ ມີຫາດຊາຍພ້ອມ ຂອງຣີສອດທີ່ເປົ່າຫວ່າງ ຂອງທ່ານຄໍາໄຕ ສີພັນດອນ ຢູ່ດອນໂຂງ.
  • ອຸດສາຫະກໍາຄອບຄົວຢູ່ດອນໂຂງ: ຮ້ານເຮັດນໍ້າຕານກ້ອນແຄມທາງ ທີ່ສ້າງລາຍຮັບໃຫ້ຄອບຄົວ ປີລະ 20 ກ່ວາລ້ານກີບ.
  • ຄົນງານປີນຂຶ້ນໄປຍອດຕານ ເພື່ອເອົານໍ້າຕານສົດລົງມາຕົ້ມ ເປັນນໍ້າຕານກ້ອນ.
  • ຍອດຕານ ທີ່ມີບັ້ງໂຕ່ງເອົານໍ້າຕານ
  • ນໍ້າຕານສົດ ເອົາລົງມາຈາກຕົ້ນ ແລ້ວເອົາມາຕົ້ມ ແລະຂ້ຽວໃຫ້ຂຸ້ນ ເພື່ອເຮັດເປັນກ້ອນ.
  • ນໍ້າຕານທີ່ຕົ້ມແລະຂ້ຽວໃຫ້ຂຸ້ນແລ້ວ ຈະເອົາມາຖອກໃສ່ບ້ວງເຫລົ່ານີ້ ເພື່ອຕາກໃຫ້ແຫ້ງເປັນກ້ອນ ກ່ອນເອົາໄປຂາຍ. (Photo gallery by Dara Baccam)

ພາບຈາກດອນໂຂງ

Published February 18, 2013

ເມືອງໂຂງເປັນເມືອງວັດທະນະທໍາ ຈຶ່ງບໍ່ມີຮ້ານກິນດື່ມຫລືບາຣ໌ບັນເທິງ. ກາງຄືນແມ່ນຈະມິດງຽບ. ຖ້າຢາກໄປຫາບ່ອນກິນເຂົ້າແຊບໆ ຟັງເພງ ຄາຣາໂອເກະຈາກໂທລະພາບ ມີສາວເສີບບໍລິການ ກໍຕ້ອງໄປກິນຢູ່ ເຮືອນແພທີ່ເມືອງແສນ ອີກຟາກນຶ່ງຂອງເກາະ ຂີ່ລົດໄປປະມານ 30 ນາທີ. ແຕ່ຖ້າຂົວສ້າງສໍາເລັດແລ້ວ ອາດຈະມີນັກທ່ອງທ່ຽວຫລາຍຂຶ້ນ ຊຶ່ງກໍອາດຈະພາໃຫ້ມີການປ່ຽນແປງ ເຮັດໃຫ້ເມືອງໂຂງຄຶກຄື້ນຂຶ້ນກໍໄດ້. (ພາບເຫລົ່ານີ້ແມ່ນຖ່າຍເມືອເດືອນທັນວາ 2012.)