អង្គការតម្លាភាពកម្ពុជារកឃើញស្ថាប័នរដ្ឋបួនពុករលួយធ្ងន់ធ្ងរ
ស្របពេលដែលគណបក្សនយោបាយកំពុងឃោសនារកសំឡេងឆ្នោត អង្គការតម្លាភាពកម្ពុជាបានចេញរបាយការណ៍មួយដោយបានរកឃើញថា មានស្ថាប័នចំនួនបួនសំខាន់ៗគឺតុលាការ នគរបាល មន្ត្រីសាធារណៈ និងគណបក្សនយោបាយបានជាប់ពាក់ព័ន្ធនឹងការប្រព្រឹត្តអំពើពុករលួយខ្លាំងជាងគេ។ ក៏ប៉ុន្តែស្ថាប័នគយ និងរដ្ឋាករដែលបានទទួលរងការរិះគន់យ៉ាងខ្លាំងពីសាធារណជនថា ជាប្រភពនៃអំពើពុករលួយខ្លាំងជាងគេនោះ មិនត្រូវបានដាក់បញ្ចូលនៅក្នុងរបាយការណ៍របស់ខ្លួនទេ។ លោកហេង រស្មីរាយការណ៍ពីភ្នំពេញ៕
