ԱՄՆ-ի պետքարտուղար Ջոն Քերրին, Ռուսաստանի իր պաշտոնակից Սերգեյ Լավրովի ու Սիրիայում ՄԱԿ-ի դեսպանորդ Լախդար Բրահիմիի հետ եռակողմ հանդիպում անցկացնելուց հետո հայտարարել է, թե Սիրիայի հարցով խաղաղության վեհաժողով հրավիրելու քննարկումները շարունակելու են սեպտեմբերի 28-ին Նյու Յորքում՝ ավելացնելով, որ այն սակայն մեծապես կախված է լինելու Սիրիայում քիմիական զենքերը ոչնչացնելու ուղղությամբ անցկացվող ջանքերի արդյունքից։