Kulesizalwane seZimbabwe esidutshulwe safa kwathi ezedlula amatshumi amathathu zalinyazwa kabuhlungu lixuku lezizalwane zakwele South Africa ebeliqhuba uhlelo abaluthi 'Operation Buyela Ekhaya Uyevota’. UBenedict Nhlapho usipha loludaba eseJohannesburg kwele South Africa.

 Kunjalo-nje, udlakela lokhu luqhubekela phambili elizweni njalo inhlanganiso elwela amalungelo ababalisi i Progressive Teachers’ Union of Zimbabwe, iPTUZ, ithi amalunga ayo lokhu ehlukuluzwa ngabasekeli bebandla le ZANU PF. Inhlanganiso le isanda kubika ukuthi inane eledlula inkulungwane eziyisikhombisa, i 7000 lababalisi selibalekile e zikolo ngenxa yaloludlakela, njalo ezinye izikolo sezivaliwe ngokusilela kwababalisi.

Isiphathamandla sale inhlanganiso, uMnu. Vusumuzi Mahlangu, utshele uSithandekile Mhlanga we studio 7 ukuthi inhlanganiso yakhe ithola imbiko yokuhlukuluzwa kwababalisi viki-zonke ezigabeni zelizwe ezitshiyeneyo.

 Ezinye indaba ze studio 7…