Uhulumende weZanu PF uthi kasoze avumele amazwe afana leBhilithani leMelika ukuthi athumele amaqula ukuzebona ngokuqhutshwa kokhetho lwerun-off nxa amazwe la engesulanga izijeziso azethulela iZimbabwe.

Ekhuluma lentatheli izolo umphathintambo wezemithetho uMnu Patrick Chinamasa uveze ukuthi uhulumende kemukeli izinto iMDC ethi kumele zilungisiswe phambilini kokhetho, ezigoqela ukuthi iUnited Nations layo kumele ivunyelwe ukuzebona ngokhetho.

UMnu Chinamasa uphinde wasola uMongameli Levvy Mwanawasa wele Zambia njalo engumgcinisihlalo weSadc esithi uyehluleka ukutshela amazwe womabili la ukuthi esule izijeziso lezi.

Igcwethi kwezombusazwe, engumqondisi weBulawayo Agenda uMnu Gorden Moyo utshele uNtungamili Nkomo weStudio 7 ukuthi imbiko kaMnu Chinamasa le ngeyomuntu olahlekileyo ngoba, kungelazijeziso ezikhona eZimbabwe, kodwa kulezijeziso ezethulelwa iziphathamandla zeZanu PF kuphela.

Ezinye Indaba ZeStudio 7...