Iqembu leHighalnders lithi lizazama ukuthi inhlanganiso yenguqu emhlabeni jikelele, iFIFA ingenele kudaba lokuthi kumele iphinde umdlalo wayo leqembu lakwele Sudan, iEl Merreikh.

IHighlanders yanqotshwa 3 ka 1 emdlalweni odlalwe ngeSonto. Kodwa iHighlanders ithi udlakela oluse Sudan lapho uhulumende walelolizwe alwisana khona labahlamuki, kungaba yilo olwabangela ukuthi leliqembu linqotshwe. Lumdlalo wawumele wenziwe ngoMgqibelo kodwa wenzwa ngeSonto ngemva kokuqhamuka kokulwisana okwesabekayo duzane lenkundla yeOmburdman okwadlalelwa khona lumdlalo.

 Kolunye udaba lwezemidlalo umdlali olodumo osewadlalela amaqembu ambalwa enguqu eZimbabwe, uChipo Tsodzo utshele uChris Gande weStudio 7 ukuthi elokhu emelele impendulo kuqembu leSwaziland kodwa okwakathesi udlalela iqembu leHwange eliyilo elikhokhelayo kusigaba sika Division One.

Ezinye izindaba zeStudio 7 …