IMelika sikhuthaze uhulumende weZimbabwe ukuthi azinikele ekuvikeleni uMnu Morgan Tsvangirai kungozi zonke ezilakho ukumehlela, ezigoqela udlakela lokubotshwa engabuyela elizweni ukuyakhankasela i run-off.

Embikweni awethule izolo uNkosazana Jendayi Frazzer, oyisikhonzi seMelika eAfrica, uthi uhulumende kumele atshiyane lodlakela uMnu Tsvangirai enelise ukukhankasela ukhetho ekhululekile. Yena uMnu Tsvangirai ubikwa elakho ukuphindela ekhaya ngoLwesihlanu.

Kulembiko ethi wesabela impilo yakhe eZimbabwe njengoba sokuqhamuke udlakela kubulawa abasekeli beMDC ngabasekeli beZanu PF. Ingcwethi kwezombusazwe njalo eligqwetha elilwela ilungelo likazulu uMnu Emmanuel Hlabangana uthi ngempela impilo kaMnu Tsvangirai isengozini nxa engaphindela eZimbabwe.

Ezinye Indaba ZeStudio 7...