Inhlanganiso ezibiza ngokuthi yiZimbabwe Lawyers for Justice, ecatshangelwa ukuthi isekela uhulumende weZanu PF isikhuthaze uMongameli Robert Mugabe ukuthi ethule umthetho weState of Emergency elizweni abuse ngawo.

Lokhu kutsho ukuthi uMongameli Mugabe uyabe esebusa engalandeli isisekelo sombuso esebenzisa yinqe umthetho afuna ukuwusebenzisa. Ekhuluma leStudio 7 lamuhla, umqondisi walinhlanganiso uMnu Martin Dhina uthe kumele uMugabe exwayisise lelinyathelo njengendlela yokuqeda udlakela osolubhahe elizweni lonke jikelele lumemethekiswa, ikakhulu ngabasekeli beZanu PF.

Kodwa ibandla leMDC lithi kalivumelani lembono yalinhlanganiso. Igqwetha elilwela ilungelo likazulu uNkosazana Anah Moyo utshele uNtungamili Nkomo ukuthi laloba kulodlakela elizweni, kalukafiki kusibanga sokuthi ilizwe lingabuswa ngeState of Emergency, esithi iZimbabwe Lawyers for Justice ingaba iyinhlanganiso esekela uMugabe efuna ehlale embusweni, ngoba lumthetho ungethulwa sokusitsho ukuthi ukhetho lwerun off luzathatha isikhathi eside ukuthi lwenziwe.

Ezinye Indaba ZeStudio 7...