Ibandla leZanu PF selize lavuma ukuthi kulodlakela elizweni. Kodwa lelibandla lithi udlakela lolu lubangelwa ngabasekeli beMDC. Umphathintambo wezomthetho, uMnu. Patrick Chinamasa uthi kumele amabandla womabili ahlale phansi axoxisane ngodaba lodlakela.

Lokhu kwenzakala udlakela lokhu luqhela ezlizweni lonke jikelele, ikakhulu emaphandleni. EMutoko isakhamuzi uMnu. Ngonidzashe Mudungwe ubikwa ethunjwe ngama war vets ngemva kokutholakala elalele umsakazo weStudio 7. Ubikwa ehanjiswe kwenye inkamba yeZanu PF watshaywa kakubi.

EGokwe izakhamizi zibikwa zihlangene zabuyisela abasekeli beZanu PF kwaze kwalimala abanengi abagoqela induna uMukoka. EHonde Valley esigabeni seMutasa South izakhamizi zibikwa sezihlala ezintabeni ngemva kokubalekela udlakela oselubhahile kulumango. EMount Darwen komutyandaedza iziphathamandla zenhlanganiso eyahlola ukhetho, iZESN, zibikwa zidliswa imbuya ngoluthi ngabasekeli beZanu PF osekubangele ukuthi lazo zibalekele egangeni. IZESN ithi esinye isihlobo sesiphathamandla salinhlangaiso sitshaywe sabulawa ngeSonto.

Umgcinisihlalo wecele leMDC elikhokhelwa nguMnu. Morgan Tsvangirai, uMnu. Lovemore Moyo, utshele uChris Gande weStudio 7 ukuthi imbiko kaChinamasa kayisiloqiniso. Kunjalo nje, isiphathamandla seZanu PF, uMnu. Joram Gumbo, utshele uChris Gande weStudio 7 ukuthi amalunga amabandla womabili aphatheke kudlakela olukhona elizweni lonke.

Ezinye izindaba zeStudio 7 …