Unobhala jikelele webandla leMDC elikhokhelwa nguMnu Morgan Tsvangirai uMnu Tendai Biti uthi ibandla lakhe licunulwe kakhulu linyathelo lekhomishini ebona ngezokhetho eye Zimbabwe Electoral Commission (ZEC) lokudlulisela phambili ngenyanga ezintathu ukhetho lwesibili lukaMongameli olwe run-off. uMnu Biti uveze lokhu emhlanganweni awenze lentathelizindaba eSouth Arica, lamuhla, kubika intatheli yethu uBennedict Nhlapho.

UMnu Sam Sipepa Nkomo, isiphathamandla salelibandla utshele uthi ngokudlulisela phambili ukhetho lolu, iZEC izama ukunika ibandla leZANU PFisikhathi eside sokuthi ikhankase ngamandla ukuze inqobe, kodwa u Nkomo uthi laloba iZANU PF ingaze isebenzise udlakela ngeke yafa yanqoba kulolukhetho.

Kwelinye icele uMnu Abednico Bhebhe, umsekeli wesikhulumi kucele leMDC elikhokhelwa nguMnu Arthur Mutambara uthi ibandla lakhe lalo liyakusola ukudluliselwa phambili kwerun-off ngoba kungekho emthethweni, kungxoxo ayenze loNtungamili Nkomo weStudio 7.

Ezinye Indaba ZeStudio7...