Umthethwandaba waphezulu we High Court lamhlanje unikeze inkokheli ye ZCTU imvumo yokuba zithonisiswe zivela emizini yazo ngokuhlawula imali yesibambiso eye bail.

Umongameli wenhlangniso yezisebenzi eye ZCTU uMnumzana Lovemore Matombo lonobhala jikelele wayo uMnumzana Wellington Chibhebhe babotshwe mhlaka 8 yonale inyanga kaNkwenkwezi ngemva kokuziveza emapoliseni e Harare besetheswa umlandu wokwethula imbiko engakhuthaza uzulu ukuba ahlamukele uhulumende kanye lokwethula imbiko engaisiyo phezu kodlakela kuleli embuthanweni wezisebenzi owe May Day enkundleni ye Dzivarasekwa Stadium e Harare. Umahluli wedale leHigh Court u Justice Ben Hlatswayo unikeze lezi ziphathamandla invumo yokuhlawula isibambiso i- bail engamabillion angamatshumi amabili amadollar- $20 billion dollars.

Uphinde wathi lezo ziphathamandla kumele zihlale zingasuki emizini yazo ezibhaliswe njengendawo abahlala kizo kudale. Uthe bobabili akumelanga bekhulume phambi kwemihlangano yabantu abanengi lokukhuluma okumayelana lezombusazwe kumihlangano enjalo kusukela khathesi icala labo lize liphele ukuthonisiswa kumithethwandaba.

Noma nje abatshutshisi bebephikisana lokuthi ababili laba banikezwe i bail u Justice Hlatshwayo uthe njengokubona kwakhe akulanto embi ngokubanikeza i bail njengoba benze okokuziveza e mapoliseni ngemva kokuthola imbiko yokuba babefunakala.

Kusenjalo kusungule imihlangano kudale le High Court lamhlanje labameli bamabandla ezombusazwe athi ele ZANU PF lele MDC kudaba lokuphikiswa kwempumela yokhetho olusanda kwedlula kuziqinti ezedlula ezilikhulu. Abangene imihlangano enje eyama petition lamhlanje bagoqela uMnumzana Chen Chimutengwende we ZANU PF, u Mnumzana Tendai Savanhu we ZANU PF, uMnumzana Christopher Mushowe we ZANU PF njalo, uNkosazana Jessi Majome we MDC, labanye abanengi nengi.

Ezinye indaba ngesiNdebele...