Ibandla leZANU PF selithumele iqula labantu abantu abalitshumi lanhlanu elikhokhelwa ngunobhala we zokuhanjiswa kwempahla lokukhulumisana uMnu George Mlilo ukuthi liyokhuthaza izinduna zangezansi kwe Mandebeleni ukuthi zibone ukuthi zibone ukuthi abantu bazo bavotela uMongameli Robert Mugabe kukhetho luka mhlaka 27 Nhlangula.

Ukufika kwequla leli kulandela ukwethekelelwa kwezinduna ezinengi ngumkhokheli we butho u General Valerio Sibanda lesikhulumeli samapholisa u Wayne Bvudzijena lusanda kwedlula ukhetho lwamhlaka 29 Mbimbitho.

Leli qula elikhokhelwa nguMnu George Mlilo unobhala obona ngezokuhambisa lokuhanjiswa kwembiko, lifikele emahofisini kasibalukhulu uNkosikazi Angeline Masuku ngolweSihlanu olwedluleyo lapho elibe lomhlangano losibalkhulu kanye Leziphathamandla zeZANU PF besethula uhlelo abahamba ngalo.

Ezinye indaba ngesiNdebele...