Amapholisa esigabeni se Matabeleland North le Bulawayo abikwa esithi akusamelanga abantu bakulezizigaba bethwale izikhali ezilakho ukulimaza kusukela kuyonale iviki kusiya ekuqaliseni kwenyanga ezayo ngendlela yokwenqabela udlakela.

Izikhali lezi zigoqela i nduku, ingqamu, imkhonto, amahloka, imbemba, i mhedla lamarekeni avame ukusetshenziswa ukutshaya inyoni. Amapholisa azise lokhu ngawesigabeni se Bulawayo, eLupane, eTsholotsho, eNyamandlovu, Inyathi, eJotsholo, Insuza le Victoria Falls, njalo athi asebenzisa ingxenye yomthetho we POSA ukwenza lokhu.

Lokhu kwenzakala usikomitshi wamapholisa, uMnu. Augustine Chihuri, esanda kuthi amapholisa awasavunyelwa ukuthatha ikhefu kuze kwedlule ukhetho ukwenzela ukuthi kube lomvikela oqinileyo elizweni.

UMnu. Felix Magalela Mafa Sibanda, isikhulumi secele le MDC elikhokhelwa nguMnu. Morgan Tsvangirai ko Bulawayo utshele uSithandekile Mhlanga we studio 7 ukuthi amapholisa avame ukukwenza lokhu ngesikhathi sokhetho esigabeni semandebeleni.

Ezinye indaba ze studio 7…