Ibandla le MDC selethule indlela entsha emkhankasweni wayo wokudinga usekelo ekuvotheni kukhetho lokudinga umongameli welizwe osoluphindwa olwe run-off.

Umongameli we MDC uMnumzana Morgan Tsvangirai ngolweSithathu, uveze lindlela emahofisini akhe e Harvest House esigodlweni. UMnumzana Tsvangirai ufike ngebhasi enkulu ebhalwe ibizo lakhe kanye lebizo lebandla lakhe ehamba eleziphathamandla zebandla lama lunga edale le palamende alelobandla asanda khethwa. Uthe efika kwabuthana abantu abanengi behlaba umkhosi wokujabula emgwaqweni u Nelson Mandela kuleli dolobha.

U Tsvangirai wenelise ukukhuluma okwesikhatshana wazisa abantu ukuba uzasebenzisa leyo bhasi emkhankasweni wakhe njalo ezangena emadholobheni atshiyeneyo kuleli okugoqela i Norton, Marondera, Bulawayo, Chinhoyi lakwezinye indawo.

NgolwesSithathu yena labanye bakhe bahle bedlula behamba ngaleyo bhasi belubhekise e Norton bequba wona lumsebenzi wokukhankasela ukhetho. Ekhuluma lentathelizindaba e Harare izolo uTsvangirai uthe kulobunzima ekuqubeni umsebenzi wokukhankasa abhekana labo ngoba ngezikhathi ezinengi esaliswa ukwenza imihlangano yama rally ethi noma kunjalo ulethemba lokuba uzanqoba kulolukhetho.

Ele Zimbabwe likhangelane lokhetho lwesibili lokudinga umongameli welizwe i presidential run-off oluzakwenziwa mhlaka 27 June 2008 phakathi kuka Mnumzana Morgan Tsvangirai we MDC loMongameli Robert Mugabe we ZANU PF.

Ezinye Indaba ngesiNdebele...