Insizwa edabuka eZimbabwe uTinashe Jonasi usebeke phansi umculo odumileyo eZimbabwe oweSungura wahwatsha idlalade lomdumo we House eliginyisa amathe. Idlalade leli elilengoma ezilitshumi selihle lisidla ubhedu emagigini eGoli lobanje lingakethulwa ngokusemthethweni.

Intatheli zindaba yeStudio 7 uBenedict Nhlapho udibane loTinashe alabanye bakhe belungiselela elinye lamagigi eStudio esiseBraamfontein eJohannesburg. Ingoma yesithathu kuleli dlalade ethi 'Impilo’. Ichaza sobala ukuthi kungani uTinashe labanye bakhe abathathu betholakele beginqe shishi eStudio se 'Not Guilty Records'. Njengoba besitsho ukuthi impilo inzima bebematasatasa belungiselela igigi abaza gida kulo ekupheleni kwayonale inyanga.

Lobanje uTinashe engakabi lanyanga ngaki kwezomculu, uvele usemisana labaculi abadumileyo kwezomculo eGoli. Uthi leli dlalade lakhe elithi 'Dunusa' kusitsho igama lomculo omutsha awucandileyo, lilethe umdumo omutsha oweHouse othakazelelwa ngabadala labancane.

Ezinye Indaba ngesiNdebele...