Namhlanje iqula elivela kunhlanganiso ye African Union ebelizohlola ukhetho lwe Run-Off luqhutshwa lethulele abezindaba edolobheni leHarare umbiko mayelana lokhetho lolu. Iqula  leli lithi ukhetho aluqhutshwanga kusimo esikhululekileyo.Okunengi asikuzweni kuntathelizindaba yestudio 7 uMark Peter Nthambe obekulo umhlangano.

Amaqula  amathathu abezohlola ukhetho lusenziwa  agoqela abe African Union ,SADC labe Pan African Parliament  bavumelana ukuthi ukhetho aluqhutshwanga ngemfanelo.  Abe Pan African Parliament embikweni abawethule izolo bakhuthaze ukuthi ukhetho lumele lwenziwa kutsha kusimo esikhululekileyo kungela dlakela. 

Ingcwethi ezicubungula ezombusazwe zithi osokutshiwo ngabakade bezohlola ukhetho laba kulithuba elihle lokuthi amazwe eAfrica angenele ekuxazululeni udaba lweZimbabwe. sikhulume leyinye yalezingcwethi uMnumzana Walter Nsununguli Mbongolwane othi amazwe eAfrica sokumele akhuthaze uMongameli Robert Mugabe ukuthi akhulumisane labamabandla aphikisayo.