Icele le MDC elikhokhelwa nguMnu. Morgan Tsvangirai lethula umbiko othi alisoze likhulumisane lomongameli Robert Mugabe ngendlela yokulungisa ingxabangxoza eselizweni ngoba engene kukhetho olwedluleyo ngamandla, engakakhulumisani lalo.

Lokhu kwenzakala uMnu. Thabo Mbeki, owakhethwa ukuba ngumlamlankunzi phakathi kwala amabandla esithi uzama ukuthi bekhulumisane bebumbe uhulumende womanyano njengalokhu okwenzakala kwele Kenya.

Kodwa isikhulumi sika Mugabe, uMnu. George Charamba ubikwa esithi ibandla le ZANU PF alisoze lilingisele okwe Kenya, lizakwenza okufanele eleZimbabwe.

USithandekile Mhlanga we studio 7 uxoxe lo Mnu. Effie Dlela Ncube, ingcwethi ecubungula ezombusazwe, ukuze sizwe imbono yakhe ngokudonselana phakathi kwamabandla la.

Ezinye indaba ze studio 7…