Uzulu wakwele Zimbabwe, ovele ethwele nzima ngokuswela imali yokuziphilisa useqale ukubuzwa ubuhlungu obuphindiweyo bokuqhubeka kombuso kaMongameli  uRobert Mugabe lapho abezitolo bekhweze intengo yezinto phose zonke ezimqoka empilweni ngesilinganiso esedlula kathathu uma kulinganiswa laleyo ebikhona. UThabang Mathebula usethulela lolu daba.

Kunjalo nje inkokheli yamazwe eAfrica esemhlanganweni we African Union kwele Egypt ikhuthazwe ukuthi iqakathekise njalo isimo somnotho weleZimbabwe ngasikhathi sinye kusenziwa imizamo yokuxazulula okuhlupha kwezombusazwe elizweni. Lokhu kulandela ukuphatheka kwalezinkokheli kudaba lwezombusazwe wakuleli. 

Inkuthazo le ivela kungcwethi kwezomnotho wamazwe omhlaba, isizalwane sakwele Melika uMnumzana Jeffrey Sachs. USachs ubengumcebisi wamazwe agoqela i Latin America,amazwe eEurope lamanye kwezomnotho.USachs ubekhuluma komunye umhlangano wezenotho yamazwe eAfrica khonale Egypt, lapho athe khona umnotho weZimbabwe awusoze walunga uma kungalungiswanga udaba lombuso,wababaza kakhulu iinflation yezimbabwe esisedlula i one million percent.

Kunjalo nje ingcwethi kwezomnotho elizweni engumgumqondisi wenhlanganiso ebona ngokuthuthukiswa kwamabhizimisi abensundu elizweni i Affirmitive Action Group-AAG, esigabeni seMatebeleland, uMnumzana Sam Ncube ukhuthaza amabandla ezombusazwe ukuthi aphange ukwenza imizamo yokulungisa umnotho welizwe izinto zingakonakali ukwedlula eziyikhokhona khathesi.