Icele le MDC elikhokhelwa nguMnu. Morgan Tsvangirai lithi
liphikisa impumela yokhetho olwalungolokudinga ozamela i Gwanda South edale
lephalamende ngoba kwakulokuqilibezela, njalo selihambise loludaba
emthethwandaba.
Isihlalo lesi sithethwe nguMnu. Orders Mlilo, owebandla le
ZANU PF, owanqoba uMnu. Nesphat Mdlongwa walelicele kanye lo Nkosikazi
Elisabeth Mpofu owecele elikhokhelwa ngu Mnu. Arthur Mutambara, ngamavoti
edlula inkulungwane ezinhlanu.
Ibandla le MDC landise ukuphikisa impumela yokhetho
emthethwandaba njalo lokhu kulindelwe isinqumo sezinye impumela eliphikisana
lazo, elizweni jikelele kukhetho olufanayo olwedluleyo.
UMnu. Mdlongwa, uchachisa ngenyathela elithethwe libandla
lakhe kungxoxo ayenze lo Sithandekile Mhlanga we studio 7.
Ezinye indaba ze studio 7…
Thumela lolu daba nge e-mail
Udaba ngamabala
