Abadala besigaba seleMandebeleni behlangene labanye abalwa impi yenkululeko bekuvuyo leZIPRA baqoqa umhlangano omkhulu ngoMgqibelo eStanley Square wokukhuluma ngendubeko ezibhekane lalesisigaba. Umhlangano lo uza lapho elizweni kungelakuhlaliseka kwezombusazwe umnotho usubhidlikile, lenkulumo zamabandla ezombusazwe, ezikhokhelwa ngumongameli thabo mbeki wele south africa zingasaziwa ukuthi ziqonda ngaphi.UBrenda Moyo weStudio 7 ikhulume lomunye wabaqoqa lumhlangano uMnumzana Lazarus Ray Ncube ochasisa injongo yomhlangano wabo.

Laloba ubaba uNcube esithi bazamelela umhlangano wangoMgqibelo ukuze bazi ukuthi umhlangano uzaphuma lezinqumo bani, kulehunga hunga lokuthi kulenjongo yokuvuselela ibandla leZAPU. kodwa ingcwethi ecubungula ezombusazwe uMnumzana Eliakim Sibanda, ofundisa izifundo zombusazwe lezobudlelwano bamazwe e University of Winnipeg eCanada, uthi lesi ayisiso sikhathi esihle sokubunjwa kwamanye amabandla aphikisayo.

Ezinye Indaba ZeStudio7....