Udubo lokuswelakala kwemali luqhubekela phambili
elizweni njalo amanye amabhanga agoqela iCBZ abikwa engene kulanga lesithathu
lamuhla ekuseni elokhu engelamali.
Kwamanye amabhanga kubikwa imali
iyatholakala okwesikhatshana iphinde iphele njalo. Inengi likhala ngokuthi
ukucitshwa kukagetsi mahlayana kubangela ukuthi lingayifinyeleli limali ngoba
imitshina iyabe ingasasebenzi.
USithandekile Mhlanga we studio 7 uxoxe
labalaleli bethu, uMnu. Sibanda we Glenorah eHarare kanye lo Mnu. Vusa Dlomo we
Nketa ko Bulawayo. UDlomo uthi uvela ekhaya emaphandleni eBinga lapho afice
abantu bebhadala ukugada amabhasi ngenkhukhu ngoba bengelamali.
Ezinye indaba ze studio 7…
Thumela lolu daba nge e-mail
Udaba ngamabala
