Abalwa impi yekululeko kanye lentsha ye ZANU PF   sebevuselele ukwethusela abantu ezansi yeMandebeleni bencediswa ngamalunga   alelo bandla anqobe kukhetho lwe Phalamende le Senate. Abikwa etshela abantu   ukuthi bananze ababengamakhansila EZANU PF abanqotshwayo kukhetho, okuyinto   esivalela amakhansila amatsha amabandla aphikisayo ukusebenzela uzulu.

Iyanda imibiko yamakhansila anqotshiweyo awe ZANU PF   asethulwe kuzulu zinkokheli ze ZANU PF kwathiwa bazaqhubeka besebenza lanxa   abantu bazikhethela amakhansila amabandla aphikisayo.   Abalwa impi yenkululeko, bona abalokhu bephethe kakhulu uhlelo lokuhanjiswa   lokuthengiswa kokudla emaphandleni, babikwa sebetshele abantu ukuthi   sekufuneka umuntu abelilunga lebandla elibusayo ukuze athole umumbu loba   ukudla okuthengiswa ngemali ephansi kunhlelo zikahulumende.