Uhulumende weZimbabwe lenkampani yezamabhizimisi yakwele China leAngola i Sonangol izolo zilobelane phansi isivumelwano semali engange 8 billion US dollars ezancedisa ukuvuselela ezamabhizimisi elizweni.
Isivumelwano lesi ngesokuvuselela ezemigodi, ezamandla kagetsi kanye lokwakhiwa kwezindlu. iphephandaba leHerald libika ukuthi eyinye yalimali isivele isikhona kwamanye amabhanga ayingxenye yalesisivumelwano.
Uhulumende weZimbabwe uthi isivumelwano lesi ngesemali enengi kakhulu ukwedlula ezinye esezithe zenziwa lokhe kwabunjwa uhulumende womanyano.
Ingcwethi kwezenotho zithi ukuthuthuka kwezenotho elizweni kuzakuya ngokuthi uhulumende womanyano uzayisebenzisa njani limali.
Sixhume eyinye yalezi ngcwethi uMnumzana Walter Nsununguli Mbongolwane othi imali le ilakho ukuthunjwa isiwe kuphela kumankampani alobudlelwano lebandla leZANU PF.
