Ugatsha lwezempilakahle luthi inani labantu abathatha imikhuhlane ethelelwana emacansini likhanya liqonga okungabangela ubunzima emizameli yokulwisa ukumemetheka kwegcikwane le HIV lomkhuhlane we AIDS.
Amazwi la akhulunywe nguDokotela Owen Mugurungi obona ngenhlelo zengculaza AIDS lofuba lwe Tuberculosis kugatsha lwezempilakahle emhlanganweni wenhlanganiso ye Zimbabwe Aids Network owenzelwe eNyanga ngeviki edluleyo.
Ingcwethi emkhuhlaneni wengculaza uDokotela Joshua Sibanda uthi ukubhidlika kwezenotho yikho okungabe kubangela ukuthi abantu baqakathekise ukuthola ukudla lezinye inswelo empilweni,basebe sebenzisa indlela ezingaqondanga zokuthola imali, njengokuya emacansini bengazivikelanga.
