Uhulumende weMelika uthi izijeziso zeZimbabwe zafakelwa uMongameli Robert Mugabe labanye bakhe beZANU PF hatshi uzulu jikelele weZimbabwe.
Embikweni awethule ngolweSibili, uNkosikazi Sharon Hudson Dean isikhulumeli someli weMelika kwele Zimbabwe uthi uhulumende wakhe uqhubeka ephathisa leli lizwe kunhlelo zokuphathisa abahluphekayo, lezokuvimba ukumemetheka kwegcikwane lengculaza.
Uqhubeke wathi uhulumende wakhe uzakwengezelela imali yokuphathisa eleZimbabwe ukulwisa iHIV AIDS nge US$10 million phezu kwe US$47 million ekade evele eyipha.
Uthi njalo, abeZANUPF kuhulumende womanyano baqhubeka besebenzisa izijeziso zenotho ezafakelwa uMugabe njenge sizatho zokungagcwalisi isivumelwano seGlobal Political Agreement.
UBrenda Moyo weStudio 7 uxhume ingcwethi kwezombusazwe uMnumzana Zenzo Nkomo othi izijeziso lezi ezitshona ziphikisanwa ngazo azibangeli ukuswela ubuthongo kuzizalwane zeZimbabwe.
