ویل کیږی چې په دغه طوفان کې څه د پاسه دوه میلونه ټنه وریجی تباه شوی وی.

امریکا اعلان کړیدی چې بنگله دیش ته دڅلویښتو میلونو ډالرو په ارزښت خوراکې مواد ورکوی چې دتیر کال دسیلاونو اودتباه کونکی طوفان نه وروسته د خوړو د کمبود سره مخامخ دی.

په بنگله دیش کې د امریکا سفیر جیمز موریارټې نن د یکشنبی په ورځ په ډاکه کې وویل، دغه مرسته دښونځیو زده کونکو او دسیلاو او طوفان ځپونکوته ورکول کیږی.

د تیرکال دسیدر په نامه طوفان دری زره پنځه تنه ووژل او دوه میلونه نورئې بی کوره کړل. ویل کیږی چې په دغه طوفان کې څه د پاسه دوه میلونه ټنه وریجی تباه شوی وی.

د بنگله دیش حکومت وویل، داسی ښکاری چې په روان کال کې به دوریجو حاصلات کافی وی مگر بیاهم احمتال لری چې نورو وریجو ته به ضرورت وی.