د نړۍ مشرانو په چین کې د زلزلې له امله خلکو ته د سه شنبې په ورځ خپله همدردي څرگنده کړه او د مصیبت زپلو سره یې د مرستې کولو وړاندیز وکړ.
د جاپان د بهرنیو چارو وزیر موساهیکو کومارا وویل چې د هغه هیواد لا د پخوا څخه مرستو کولو ته چمتو دی خو پوښتنه کول ضروري دي.
د هانگ کانگ ریس دونالد سانگ هم وویل چې دی او ټول هانگ کانگیان په دغه پیښه خواشینې شوي دي.
ښاغلی سانگ وویل چې د ژغورنې ډلې یې اماده دي چې د چینایې ژغورونکو ډلو سره اوږه په اوږه کار کولو ته ملا وتړي.
په همدی وخت کې د استرالیا صدراعظم کیوین رد پارلمان ته وویل چې خپل چیني سیال وین جیاباو ته یې یو لیک استولی او د استرالیا هیواد د مرستو کولو تیاری یې پکې څرگند کړی دی.
د چین حکومت بی له ځنډه بهرنیو مرستو ته هرکلی کړی.
دا مضمون کوم بل دوست ته واستوئ!
د متن چاپ
