هغه ووېل چې په دغه چاودنه کې پنځه پولېسان او درى ملکېان زخمى شول.

په افغانستان کی مقامات وائی امنیتی ځواکونو د یو لړ عملیاتو په ترڅ کی هغه دوه تنه بهرنیان چی یو ئی د هند او بل ئی د نیپال اوسیدونکی دی او یوه میاشت مخکی د هرات په ولایت کی برمته شوی وو را خوشی کړی دی.

د هرات ولایت د استخباراتو مشر وویل د اففانستان امنیتی قواوو نن د یکشنبی په ورځ په یوه حمله کی دواړه کسان د برمته کوونکو له منگولوڅخه راخوشی کړل.

دغه دوه تنه نا پیږندل شویووسله والو د اپریل د مېاشتی په یوویشتمه نیټه کله چی ئی د ایران سرحد ته څیرمه د افغا نستان په خاوره کی سفر کاوه برمته کړل.

 تر اوسه لا جوته نده چی برمته کوونکو د دوی د خوشی کولو په بدل کی پیسی اخیستی او که نه. د طالبانو جنگیالی په دی سیمه کی فعال دی خو دوی هېڅکله هم دهغوی د برمته کولو مسولیت پر خپله غاړه ندی اخیستی.

همدا رنگه د شنبی په ورځ د افغا نستان په جنوب کی د هلمند په ولایت کی یاغیانو دناتو د قواو یوه هیلیکوپترچی د هلمند والی گلاب منگل اود بریتانیا منصبداران ئی انتقالول په راکټ ویشتلی دی چی هلیکوپتر ته یو څه زیان رسیدلی خو څوک پکی مړه یا زخمیان شوی ندی.