د ایران د حکومت یوه نطاق ویلي، حکومت یې د اتومي پروگرام په باره کې له نړیوالې ټولنې سره خبرو ته تیار دی.

خو وايي، د ایران موقف نه دی بدل شوی او نه غواړي چې د یورانیمو د غني کولو حق له لاسه ورکړي.

غلام حسین الهام دغه خبرې د شنبې په ورځ له هغه یوه ورځ وروسته وکړې چې ایران د شپږو قدرتمنو هیوادونو له خوا د امتیازاتو د منلو پیشنهاد ته خپل رسمي ځواب وړاندې کړ.

دغه شپږ هیوادونه، روسیه، چین، فرانسه، جرمني، او امریکا له ایران نه غواړي که د یورانیمو غني کول پرچاو کړي نو اقتصادي او تجارتي امتیازونه به ورته ومني.

د ایران د هغه ځواب جزیات لا تر اوسه نه دي معلوم چې د جمعې په ورځ یې په برسلز کې د اروپايي اتحاد د خارجي پالیسۍ رئیس، هاویر سولانا ته وسپاره.