 |
| په دې وروستیو څو اونیو کې په پاکستان کې د تشدد پیښې زیاتې شوي دي. |
د پاکستان پولیس وايي، ددغه ملک د پارلمان د یوه غړي په کور کې د پرونۍ ځانمرگې حملې له آمله د مړو شمیر اوس لږ تر لږه ١٧ ته رسیدلی دی. په دغه حمله کې له ۴٠ تنو زیات زخمي شوي دي.
د پولیسو یوه مشر، خادم حسین وویل، د پنجاب د بهکر په ښار کې د مسلم لیگ نوازشریف د گوند د غړي راشد اکبر نواني په کور کې په دغې چاودنه کې پخپله نواني زخمي شوی دی.
د پولیسو دغه مشر وویل، یوه ځانمرگي حمله کوونکي ددغه سیاستمدار د ملاتړکوونکو په منځ کې په ځان پورې تړلي بمونه وچول.
تر اوسه چا ددغې حملې مسئولیت ندی اخیستی.
په دې وروستیو څو اونیو کې په پاکستان کې د تشدد پیښې زیاتې شوي دي.
دا مضمون کوم بل دوست ته واستوئ!
د متن چاپ
