د امریکا غږ آشنا راډیو د نن ماښام د خبرو اترو په خپرونه کې مو د هغو بې ځایه شویو افغانانو په هکله خبري وکړې چې د کابل په بیلابیلو کمپونو کې د ژمي په سړې هوا کې شپې سباح کوي او تر اوسه پوري د موجودو آمارو پر بنسټ ۲۴ ماشومان د یخنۍ نه مړه شوي دي.
بشپړه موضوع
د افغانستان د کرکټ ملي لوبډله په لومړي وار د کرکټ د لوبې له ټسټ هیواد یعنې پاکستان سره د جمعې په ورځ لوبیږي، دا لومړی وار دی چې افغان کرکټ ملي لوبډله د ټسټ کرکټ هیواد سره یو ورځنۍ یا د پنځوسو اورونو سیالي ترسره کوي، زمونږ خبریال وکیل احمد احساس په دوبۍ کې د کرکټ د ملي لوبډلې ددغې لوبې په تیاریو راپور جوړ کړی چې په ګډه به یې وګوور.
د ناټو، افغانستان او پاکستان نظامي مامورین غونډه کوي چه د افغانستان او پاکستان د سرحد په غاړو کې امنیت ښه شي.
اسوشیټد پرس خبري اژانس د ناټو د قواوو له قوله وایي چې د دوي یوه هلیوکوپتره د افغانستان په ختیځ کې غورځیدلی خو ټولې سپرلې یې روغې رمټي دي. دغه نړیوال اتلاف په یو بیان کې وایی د هیلیوکوپترې عمله نژدې اډی ته رسول شویده
ولسمشر حامد کرزي د موټربم ننۍ حمله چې د قندهار په ولایت کې پولیسو د ماموریت نه بهر شویده، غندلې ده. د جمهورریس د رسمي فیس بوک د پاڼې له قراره د یو موټر بم د چاودنې له امله د قندهار په ښار کې د پولیسود مرکز نه د باندې نهه کسه وژل شویدی او ١٩ تنه نور زخمی شویدی.
د طا لبانواوامریکا تر منځ په قطر کی د ورستيو خبرو په اړه افغان حکومت ولي په شروع کی د دی مفکورې چې طالبان دي په قطر کی يو سیاسي دفتر ولري ملاتړی نه وو او د ځیني راپورنو له مخي افغان حکومت ولي په سعودي عربستان کی په جلا توګه خبري پیل کړي دي. د امریکا غږ آشنا راډيو د مشهور لیکوال او د سیاسي چارو کارپوه احمد رشید سره په دې هکله مرکه کړې ده.
دفارن پالېسي مجلې د فبرورې په درېمه لېکي چې په افغانستان کې به راتلونکې کې کورنی جنگ، خامخا پېښ نشي خو ترپخواېې د پېښېدو توقع ډېره ده. مجله په دې تبصره کوي چې مخه ېې څنگه نېول کېدلاي شي او دېوې دوامدارې سولې په لاره کې خنډونه اوستونزې څه دي.
د نیویارک ټایمز د ورځپاڼي په یوه رپوټ کي ویل شوي دي چي لږترلږه ٢٢ افغان ماشومان چي ټول یې ترپنځو کالو کم وو تیره میاشت په کابل کي د مهاجرو په دوو کمپونو کي د ډیري یخنۍ له لاسه مړه شوي دي.
د ملگرو ملتونو یو رپوټ وایي چي تیر کال په افغانستان کي په شخړو او جگړو کي تر ٣٠٠٠ زیات ملکي خلک وژل شوي دي چي دا د هغه هیواد کي په لس کلنه جگړه کي په یوه کال کي د ملکیانو تر ټولو زیات تلفات دي.
د پاکستان صدراعظم یوسف رضا گیلاني بله هفته قطر ته روان دی چي په هغو لارو چارو باندي خبري وکړي چي افغانستان ته سوله راشي.
د ناټو هیوادونو د دفاع وزیران په بروکسلز کې په هغي جنجالي موضوع خبري کوي چی د مخ په زیاتیدونکو ا فغان ځواکونو لگښتونه به څوک ورکوي، کله چي له ۲۰۱۴ کال ورسته د امنیت ساتلو مسولیت په غاړه واخلي.
د سپیني ماڼۍ ویاند ( جې کارني ) دلته په واشنگټن کي وویل چي د ناتو نه افغان قواو ته د امنیت دچارو د سپارلو جریان مخکي لا پیل شوی دی او همداسي به دوام ولري. هغه وویل چي امریکایي قواوي د ٢٠١۴ م کال تر پاي پوري عملا خپل محاربوي نقش ته دوام ورکولای شي او دا چي د امنیتي چارو انتقال د ټولو قواو د وتلو معنی نه لري.
هغه څرګندونې چې د امریکا ددفاع وزیر لیان پنتیا وکړې او و یې ویل چې په افغانستان کې به د امریکا محاربوي رول په ۲۰۱۳ کال کې د روزنې او سلامشورې په نقش بدل شي، په افغانستان کې یو د پام وړ بدلون په ګوته کوي.
د پاکستان د باندنیو چارو وزېرې حنا رباني کهر په اسلام اباد کې خبرېالانو ته نن د پنجشنبی په ورځ ووېل " موږ دېته لېوال ېوو چې هرهغه کار وکړ و چې افغانان ېې غواړي او ېاېې توقع کوي". حناربانی کهر داخبری وروسته له هغه نه وکړلې چې دافغانستان له ېوه ورځني سفر نه را ستنه شوله.
په افغانستان کې د ملګرو ملتونو یوه سروې وایي چې د ۲۵ فیصدو نه کم افغانان په دې باور دي چې د افغانستان ملي پولیس د دې توان ولري چې د بهرنیوځواکونو د مرستې نه بغیر دې امنیت وساتي.
د امریکا جمهور ریس، بارک اوباما په لومړي ځل په ښکاره دا وویل چه امریکا په پاکستان کې په وسله والو باندې د بریدونو لپاره د بې پیلوټه یا ډرون الوتکو نه کار اخیستی دی.
د طالبانومامورین وایي، افغان طالب مذاکره چیان په قطر کې د امریکایي مامورینو سره د اعتماد او باور د رامنځ ته کیدو دپاره غونډې کوي او دواړې خواووې د سولې د راتلونکو خبرو دپاره تیاری نیسي.
افغان پولیس وايي چې په هغه سړي پسي گرځي چې پیدا یې کړي چې وایي خپله ښځه یې ځکه وژلې ده چې هلک نه بلکه نجلی یې زیږولې ده.
د پکتيا په يو شمېر ولسواليوو کې ولسي خلک د محلي پوليسو څخه ناراضه دي او وايي، هغه رول، چې دوی بايد د امنيت په ټينګښت کې لوبولای وای، تر اوسه يې په دې اړه هيڅ هم ندي کړي. نږدې يو کال وړاندې د پکتيا ولايت په دريو مختلفو ولسواليو، ځاځي اريوب، ډڼډپټان او احمدخېلو کې محلي پوليس جوړ او په دندو ګمارل شوي دي.
د طالبانو مذاکره چیان په قطرکې د امریکایي مامورینو سره د اعتماد او باور د رامنځ ته کیدو دپاره غونډې کوي او دواړې خواووې د سولې د راتلونکو خبرو دپاره تیارئ نیسي.
د برتانیې صدراعظم ډیویډ کامیرون نن د شنبې په ورځ خبریالانو ته وویل چي دی داسي کوم پلان نه لري چي تر خپل مهال ویش نه مخکي دي د افغانستان نه د برتانیې محاربوي قواوي را وباسي. هغه دا هم وویل چي برتانیه غواړي د کابل سره یې قوي اړیکي مخ په وړاندي رواني وي، ځکه چي « دا د ټولي نړۍ په گټه ده چي یو محفوظه او با ثباته افغانستان دي چي د تروریزم نه آزاد وي موجود وي. »
آر ایس ایس
