عکس Reuters
د افغانستان په ختیځ کې چارواکي وايي چې د ناټو په هوايي بمبارۍ کې د یوې کورنۍ اته غړي وژل شوي دي. د پکتیا ولایت د والي ویاند وايي چې په دې بمبارۍ کې یو سړی د خپل میرمنې او شپږو اولادونو سره د پکتیا ولایت د ګرده څړۍ په ولسوالۍ کې وژل شوي دي.
بشپړه موضوع
د امریکا د دفاع وزیر لیان پنیتا د ولسمشر اوباما د حکومت د هغو پلانونو دفاع کوي چې غواړي په افغانستان کې د یوې لسیزې جګړه پای ته ورسوي. ښاغلي پنتیا نن د یکشنبې په ورځ د امریکا د ای بي سي په تلویزوني چینل کې د مرکې پرمهال وویل چې امریکا اوس هم په یوې جګړې کې راښکیل ده خو اوس دغه جګړه پر سمې خوا روان ده.
له ډیرو ناندریو ، او پټو او ښکاره بحثونو وروسته ولسي جرګې نن له امریکی سره د دغه هیواد د ستراتیژیکو اړیکو د تړون پر سر هوکړه وکړه .
د فرانسې ولسمشر فرانسوا هولانډې وايي چې پلان لري د روان کال تر پایه پوري خپل ټول ۲۰۰۰ محاربوي عسکر د افغانستان څخه وباسي خو فرانسه به د جګړه ځپلي افغانستان څخه خپل ملاتړ ته ادامه ورکړي.
پداسې حال کې چې په پاکستان باندې فشار ورځ تر بلې زیاتیږي چې په افغانستان کې دناټو د ځواکونو لپآره د اکمالاتو لارې بیرته پرانیزي، خو پرون د پنجشنبې په ورځ هم په سل ګونه لارۍ په پاکستان کې ولاړې وې او دیته انتظار ایسته چې کله به لارې پرانیستل کیږي.
د عفوی یا بخښنې نړیوال سازمان په خپل کلنیز ریپوت کې په افغانستان باندي زیاته اندازه تمرکز کړی دی او په دغه هېواد کې یې د روان وضیعت په هکله په بیلابیلو برخو کې اندېښنې څرګنده کړي دي.ددغه سازمان د سږکال په ریپوټ کې راغلي دي چې اوس هم د افغانستان په نظام کې داسي کسان شته چې په جنګي جنایاتو تورن دي او بشري حقوقو یې تر پښو لاندي کړي.
د پاکستان ستونزمنې اړیکې له امریکا سره د جنجال تازه پړاو ته نن د پنجشنبی په ورځ ورداخلې شوې. دامریکا دولسي جرګې یوه استاځي خبرداری ورکړ چې امریکا به د پاکستاني ډاکټر شکیل افریدي له محکومولو نه ورو سته په مرستو کې ډير کمي راولي.
په افغانستان کي د امریکا سفیر ( ریان کراکر ) په راتلونکو څو میاشتو کي له خپلي وظیفې نه گوښه کیږي
د امریکا ولسمشر بارک اباما د ناټو د دویمې ورځې د غونډې پرمهال اطمینان څرګند کړ چې افغانستان د دې وړتیا لري چې د ۲۰۱۴ کال وروسته د خپل امنیت بشپړ مسولیت په غاړه واخلي. ښاغلي اوباما وویل چې د افغانستان د امنیتي مسولیت د انتقال بهیر په سمه روان دی.
نن د دوشنبې په ورځ د ناټو د غړو هیوادونو استاځي د دویم ورځې دپاره د شیکاګو په ښار کې راغونډ شوي دي او غواړي چې یوځل بیا خپل پر هغه تعهد باندي ټینګار وکړي چې د افغانستان ماموریت د ۲۰۱۴ کال په پای کې پای ته رسوي. همدغه شان د راتلونکي کال پر پلانونه باندي هم خبري کېږي چې په لړ کې به یې د ټول افغانستان د امنیت مسولیت افغان ملي امنیتي ځواکونه اخلي او ناټو به حمایوي او مشورتي نقش غوره کوي.
د پاکستان ولسمشر آصف علي زرداي د ناټو په بلنه ددغه تړون په سرمشریزه غونډه کې په شیکاګو کې برخه اخلي. د ناټو عمومي منشي اندراس فاغ راسموسن وايي چې پاکستان د افغانستان د شخړې په حل کې مهم رول لوبوي.
افغان چارواکي وايي چې ددغه هېواد په شمال کې د سېلاب د راتګ له امله لږ تر لږه ۱۹کسه وژل شوي دي مسولین وايي چې د شنبې د ورځې راهیسي چې سیلاب راغلی دی، تر اوسه پوري ۵۰ کسه لادرکه دي. ولایتي چارواکي وايي چې د سیلاب اوبو د ۱۰۰۰ شاوخوا کورنه ویجار کړي دي او لږ تر لږه ۶ زرو خلګ پورته سیمو ته کډه شوي دي.
د نړۍ د ۵۰ هیوادونو نه چارواکي نن د یکشنبې په ورځ د شیکاګو په ښار کې د ناټو د دوه ورځنۍ سرمشریزې غونډې دپاره راغونډ شوي دي او ددغه تړون پر راتلونکو موضوګانو باندي بحث کوي. ویل کېږي چې ولسمشر اوباما نن د غونډې په پیل کې لومړی د افغانستان د ولسمشر حامد کرزي سره وګوري.
د دغه کمیسیون راپور ښیی چی دیری سیمه ییز پولیس پخوانی اربکیان یا د دولت مخالفی وسله والی ډلی دي.
د امریکا ولسمشر براک اوباما به سبا د شنبې په ورځ د نړۍ د اتو سترو صنعتي هیوادونو د مشرانو کوربه وي او تر هغې وروسته به د یکشنبې او دوشنبې په ورځو کې د شیکاګو په ښار کې د ناټو د غړیو هیوادونو د عالي غونډې کوربه توب هم په غاړه ولري.
د پاکستان چارواکي وايي ولسمشر آصف علي زرداری به د شیکاګو په راتلونکي سرمشریزه غونډه کې گډون وکړي. د پاکستان کابینې هغه بلنه منظورکړله چې ولسمشر زرداري ته ددې لپاره ورکړل شوې وه چې دافغانستان پر حالاتو بحث وکړي.
افغان چارواکي وايي ېوه ځانمرګي د فراه په ولایت کې د حکومت پریوې ودانۍ برید کړی دی لږتر لږه ٧ تنه یې وژلي دي او ١٣ تنه نور یې ټپیان کړي دي.
پاکستان داسي نښې څرګندې کړي چې وايي د ناټو د کاروانونو پر وړاندې دي د اکمالاتو لاره بیا پرانیستل شي. پاکستان دغه لاره پروسږکال د نومبر په میاشت کې وروسته له هغه نه وتړله چې د امریکا په سهوي هوايي بمباریوو کې ۲۴ پاکستاني عسکر ووژل شول.
افغان چارواکي وايي چې ددغه هیواد په شمال کې د یوې بمي چاودنې له کبله د ولایتي شورا د یوه غړي په ګډون لږ تر لږه ۹ کسه وژل شوي دي. پولیس وايي چې دغه پېښه د فاریاب ولایت د غورماچ په ولسوالۍ کې رامنځ ته شوې ده.
افغان چارواکي وايي چې وسله والو د افغانستان د سولې یو لوړ رتبه غړی وژلی دی چي دا د سولې روان بهیر ته وروستۍ غټه ضربه ده . چارواکي وايي چې یوه نامعلومه وسله وال کس نن د یکشنبې په سهار په کابل کې د ارسلا رحماني پر موټر باندي هغه مهال برید وکړ چې هغه خپل د کار پر لورې روان و.
یوه برید کونکي چې د افغانستان د پوځ یونیفورم یې اغوستی و د دغه هېواد په ختیځ کې یې د ناټو پر سرتیرو برید کړی یو کس یې په کښي وژلی دی. د سږکال د پیل نه د جمعې د ورځې پېښه ۱۵ پېښه ده چې په کښي یاغیان د پوځ په یونیفورم کې د ناټو پر ځواکونو باندي برید کوي.
آر ایس ایس
