عکس AP
له ډیرو ناندریو ، او پټو او ښکاره بحثونو وروسته ولسي جرګې نن له امریکی سره د دغه هیواد د ستراتیژیکو اړیکو د تړون پر سر هوکړه وکړه .
بشپړه موضوع
په تکساس کې هغه کس چې اسلام ته اوښتی و وروسته له هغه نه په شلو کلونو بند محکوم شو چې پرې د القاعدې سره د مرستې تور ثابت شو. امنیتي مامورینوو د ۲۰۱۰ کال د مې په میاشت کې باري بوجل وروسته له هغه نه ونیوی چې غوښتل یې د جعلي اسنادو په مرسته په هغې بیړۍ کې سفر وکړي چې مینځني ختیځ ته تلله.
پاکستان پرون د پنجشنبې په ورځ د هغه پاکستاني ډاکټر د بندي کیدو له کبله د امریکا انتقاد رد کړی دی چي د اسامه بن لادن په پیدا کولو کي یې د امریکا سره مرسته کړې وه.
د امریکا د بهرنیو چارو وزیره وایي د عراق د بغداد په ښار کې د ایران د اتومي پروګرام په اړه د دوه ورځنیو خبرو نه وروسته هم پدې برخې کې زیات اختلافات لا پاتې دي. میرمن کلنټن همدرانګه وایي چې هغه پاکستاني ډاکټر ته سزا ورکول بې عدالتي ده چې د بن لادن په پیدا کولو کې د امریکا سره مرسته کړې وه.
پداسې حال کې چې په پاکستان باندې فشار ورځ تر بلې زیاتیږي چې په افغانستان کې دناټو د ځواکونو لپآره د اکمالاتو لارې بیرته پرانیزي، خو پرون د پنجشنبې په ورځ هم په سل ګونه لارۍ په پاکستان کې ولاړې وې او دیته انتظار ایسته چې کله به لارې پرانیستل کیږي.
یران نن د پنجشنبې په روځ دنړیوالو قدرتونو دریځ د خپل اټومي پروگرام په برخه کې رد کړ. ایران او دنړۍ شپږ قدرتونه نن دویمه ورځ ده چې په بغداد کې په دې بحث کوي چې هغه نړیوالې اندېښنې له منځه ېوسي چې وايي د اېران اټومی پروگرام نظامي اړخ لري.
په افغانستان کي د امریکا سفیر ( ریان کراکر ) په راتلونکو څو میاشتو کي له خپلي وظیفې نه گوښه کیږي
د فیسبوک ټولنیز سایټ موسس مارک زوکربرګ خپل د اوږدې مودې معشوقې پریسیلا چن سره واده وکړ. هغه خپل د فیسبوک د اکونټ نه په استفادې په نړۍ کې د خپل واده اعلان خپور کړ. دغه ۲۸ کلن میلیارډر پرون د شنبې په ورځ د چن سره په یو لړ کوچني مراسمو کې د کلفورنیا ایالت د پالو التو په ښار کې واده وکړ.
چینایي مبارز چن ګوانګچین چې د څو اونیو راپدیخوا د امریکا او چین تر منځ د سیاسي ناندریو لامل ګرځیدلی ؤ، نن امریکا ته را روان شویدی
د امریکا ولسمشر براک اوباما به سبا د شنبې په ورځ د نړۍ د اتو سترو صنعتي هیوادونو د مشرانو کوربه وي او تر هغې وروسته به د یکشنبې او دوشنبې په ورځو کې د شیکاګو په ښار کې د ناټو د غړیو هیوادونو د عالي غونډې کوربه توب هم په غاړه ولري.
د امریکا متحده ایالاتو د اسرایلو غوښتنه ومنله او دغه هیواد ته به 70 میلونه ډالر ورکړي چې د مزایلو د دفاع په سیستم باندې یې ولګوي. د مزایلو د دفاع د دغه سیستم هدف دا دی چې د هغو راکټونو مخه ونیسي چې د غزې د تړانګې نه په اسریلو واریږي.
ناتو د پاکستان جمهوررئیس ( آصف علي زرداري ) ته بلنه ورکړې چي په
( شیکاگو ) ددغه اتحاد په غونډه کي برخه واخلي
پاکستان داسي نښې څرګندې کړي چې وايي د ناټو د کاروانونو پر وړاندې دي د اکمالاتو لاره بیا پرانیستل شي. پاکستان دغه لاره پروسږکال د نومبر په میاشت کې وروسته له هغه نه وتړله چې د امریکا په سهوي هوايي بمباریوو کې ۲۴ پاکستاني عسکر ووژل شول.
د ناټو عمومي منشي اندراس فاغ راسموسن وايي چې دغه سازمان په اروپا کې په بریالیتوب سره خپل د میزایل دفاعي سیستم آزمویلی دی. ښاغلي راسموسن د وال سټریټ جورنال په یوې خپرې شوې مقالې کې ویلي دي چې ناټو پلان لري د روانې میاشتې په پای کې د ناټو په یوې غونډه کې خپل موقتي اټمي دفاعي سیستم اعلان کړي. نوموړي وویل چې دغه سیستم به بیا هم محدود وي خو یادشوی پرمختګ په اروپا کې د ناټو هېوادونو د دفاع دپاره لومړی اقدام دی چې کېږي.
یمني چارواکي وايي چې ګمان کېږي د امریکا د دوو بې پیلوټه الوتکو په بریدونو کې ددغه هیواد په جنوب کې لږ تر لږه ۱۱ د القاعدې غړي وژل شوي وي. سیمه ایز چارواکي وايي چې د وژل شویو کسانو په ډله کې لږ تر لږه یو کس یې چې د ماریب او شبوا د ولایتونو سرحد ته څیرمه وژل شوی دی د مصر تبعه وو.
آر ایس ایس
