Mutungamiri weBritain, Va Gordon Brown, vanoti muZimbabwe munofanirwa kunge muine mauto apasi rose anochengetedza runyararo, sezvo mauto emunyika ari kushungurudza nhengo dzeMDC. Reuters inoti VaBrown vataura mashoko aya neChina muparamende. VaBrown vatiwo MDC inofanirwa kuremekedzwa zvakakodzera, sezvo yakasarudzwa nevanhu vakawanda muna Kurume. 

Ukuwo America iri kutora mukana wekuva sachigaro we United Nations Security Council, kuti ipinza mudariro gwaro rezvisungo zvekuomesera VaMugabe nehurumende yavo.

Zvisungo izvi zvachazeyiwa nedare reSecurity Council musangano weChipiri usati waitwa. 

VaEarnest Mudzengi ndivo National Director veNCA, uye vachiongorora zvematongerwo enyika. 

Patience Rusere weStudio Seven aita hurukuro naVaMudzengi kuti tinzwe pfungwa dzavo pane zviri kurongerwa VaMugabe nedzimwe nyika.

Dzimwe Nhau Kubva KuStudio 7 ...