Mutungamiri weSouth Africa, VaThabo Mbeki, vasangana nemutungamiri weZanu PF, VaRobert Mugabe, neMugovera, ndokuita hurukuro dzisina kuburitswa pachena. Gurukota rinoona nezve kuburitswa kwemashoko, VaSikhanyiso Ndlovu, varamba kutaura kuti zvii zvakurukurwa pakati paVaMbeki naVaMugabe.

Mushure menguva pfupi VaMbeki vachitaura naVaMugabe, vaviri ava vazoitazve hurukuro nevakuru vechikwata cheMDC inotungamirwa naVa Arthur Mutambara. Vapinda mumusangano uyu vanosanganisirawo VaMutambara pachavo, munyori mukuru wechikwata ichi, VaWelshman Ncube, pamwe nemutevedzeri wavo, Amai Priscillah Misiharambwi Mushonga. Patience Rusere weStudio7 abata VaMutambara kuti tinzwe zvakurukurwa mumusangano wavapinda uyu. Asi mutauriri we MDC, VaNelson Chamisa, vanoti VaTsvangirai havangaendi kuState House kunotaura naVaMbeki naVaMugabe, sezvo vasingatambire kusarudzwa kwaVaMugabe.

Dzimwe Nhau Kubva kuStudio7 ...