Gavhuna weReserve Bank of Zimbabwe, VaGideon Gono, vanoti mutengo wezvinhu kana kuti inflation wakwira kusvika pa 2,2 million percent.

VaGono vakataura izvi pakuparurwa kwechirongwa cheBasic Commodities Supply Side Intervention nemutungamiri wenyika, VaRobert Mugabe neChitatu. 

Pasi pechirongwa ichi, vanhu vanenge vachitengeserwa zvekudya nehurumende nemutengo wakaderera.

Mashoko aVaGono panyaya ye inflation, atsinhirwawo naActing Director veCentral Statistical Office, VaMoffat Nyoni. 

Asi VaMugabe vachiparura chirongwa ichi, vakashorawo Britain vachiti ndiyo iri kuita kuti zvinhu zviome munyaya dzehupfumi.

VaProsper Chitambara vari kuita zvidzidzo zvepamusoro paBirgmingham University.

VaChitambara vaudza mutori wenhau Blessing Zulu weStudio 7 kuti kana kutaurirana kukasaitwa nechimbi chimbi pakakati peZanu-PF neMDC havaone zvichigadzirika.

Dzimwe Nhau Kubva kuStudio 7...