Masangano anobatsira vanhu anoti hapasati pava nechiratidzo chekuti hurumende iri kushandura danho rayakatora rekuti vabvumidzwe kubatsira vanhu nezvekudya.

Vamwe vari kutarisira kuti pahurukuro dziri kuitwa pakati peZANU-PF ne MDC, pachavawo nechibvumirano chekuti hurumende yeZANU-PF ishandure maitiro ayo, kuitira kuti vanhu vari kuziya nenzara, vabatsirwe nechikafu.

Sangano re World Food Program rinoti riri kukundikanawo kuendesa zvekudya muvanhu, nekuda kwemitemo yakadzikwa nehurumende.

Ukuwo bhanga guru reReserve Bank, rinonzi riri kufamba mune dzimwe nzvimbo richitengesera vanhu chikafu nemitengo iri pasi pasi, pasi pchirongwa che Basic Commodities Supply Enhancement Initiative.

Mutori wenhau weStudio 7, Carole Gombakomba, aita hurukuro naNational Director veChristian Care, Reverend Forbes Matonga, avo vanoti chirongwa ichi hachibatsiri kupedza nzara iri munyika.

Dzimwe Nhau Kubva kuStudio 7...