Sachigaro veNCA,  Doctor Lovemore Madhuku, vanoti sangano ravo richaratidzira munzvimbo dzakasiyana siyana munyika kutanga svondo rinouya. 

VaMadhuku vanoti izvi zviri kuitwa senzira yekuratidza kusafara kuri kuita sangano avo nemafambiro ari kuita nhaurirano pakati pe MDC neZANU-PF.

VaMadhuku vanoti sangano ravo nemamwe masangano akazvimirira oga, haasi kufara nezviri kuitika munhaurirano idzi, idzo vati dzakanangana nevanhu vari kuda kupana zvigaro, nyika ichitambura.

VaMadhuku vanoti masangano akazvimirira acharitidzirawo kumusangano weSADC uyo uri kutanga nemusi weChishanu kuSouth Africa.

Patience Rusere weStudio7 aita hurukuro naVaMadhuku kuti tinzwe pane pfungwa dzavo pane zviri kuitika munhaurirano.

Dzimwe Nhau Kubva kuStudio7...