Mitengo yezvinhu iri kuramba ichikwira, zuva nezuva, zvichitevera kuparara kuri kuita hupfumi hwenyika. Vanhu vakawanda vanoti vava kutadza kurarama nemari dzavanotambira kumabasa. Mari yekuti munhu abve muguta achienda kuKuwadzana nemakombi, yava mazana maviri emadhora, kubva pazana nemakumi mashanu emadhora aibhadharwa neChipiri

Zvinonzi vamwe vanhu vava kutengesa zvimwe zvinhu zvakaita sehupfu nechingwa nemari yekunze, izvo zviri kupa kuti vanhu vatsvage mari yekunze nemaziso matsvuku.

Dhora reku America rinonzi rava kutengwa pamukoto nemari iri pakati pezviuru zviviri nemazana mashanu emadhora nezviuru zvitanu zvemadhora. 

Zvikoro zvizhinji zvinonzi zvakakwidza mari yedzidzo, izvo zviri kuomera veruzhinji. VaLuxon zembe inyanzvi munyaya dzehupfumi, uye vaimbove mutungamiri weZimbabwe National Chamber of Commerce.

Patience Rusere weStudio7 aita hurukuro naVaZembe kuti tinzwe maomero aita zvinhu munyika, uye kuti vanhu vari kurarama seyi.

Dzimwe Nhau Kubva kuStudio 7...