Mumwe mutambi aimbotambira chikwata cheDynamos, David Kutyauripo, anoti ari kufadzwa nekudzokera kunotambira chikwata chake mwaka uno apo chikwata ichi chiri mumakwikwi eConfederation of African Football Champions League.
Kutyauripo akabva kuShooting Stars, uko ange achitamba ari mwaka wapera.
Kunyange hazvo Dynamos yakakundwa 3-0 neCaps United mumutambo wehushamwari neSvondo, Kutyauripo anoti ane tarisiro yekuti chikwata chake chichatamba zvakanaka mwaka uno.
Asati aenda kuShooting Stars, Kutyauripo akambotambira chikwata cheCaps United apo akasiya Dynamos mugore ra2006.
